الحقووووووني

نصيحه لوجه الله ابعدي عن الكريمات ترى والله دمار للجسم .........

عليك بالاشياء الطبيعيه ........ بالنسبه للجسم سوي حمام ساوانا بالبيت وبعدها صابون مغربي وليفه مغربيه كم مره بالشهر
وسوي تقشير باستمرار ... ( ليمون + سكر + زيت زيتون ) مرتين بالاسبوع

والكركم والفازلين او (زيت) نتايجه حلوه وشوفي ردود البنات لو مو متشجعه

والسدر بعد ممتاز للبشره سواء الوجه او الجسم ....

وسلامتك واي شئ ثاني نحن بالخدمه دوما

صعبه المنال

تسلمي وربي ياقمر عالمساعدة .. وسرعة استجابتكِ

لي طلب ثاني .. :23:

أبي طريقتكِ بالتفصيل الممل

وتقولي كم المقادير ..

الله لايحرمني منكم :32:

اليـــــن

صبااح الخير

ياليت حبيبتي تحددين وشهي المشاكل اللي عندك


لكن بما انك تقطنين الرياض < اخس يالاسلوب
فأكيد انكي تعانين من مناجم الفحم المتنثره في انحاء جسمك وخاصه الداخليه والمتركيه (يعني اللي تتركين عليهن بس بلهجتي:17: يعني الركب والاكواع)

فانصحك نصيحه المجرب الذي حاس زمانا من البحث عن طرق لاستخراج الفحم ورميه في نفايات الزمن >> يقالها


عاد عقب ماتفلسفت شوي بجي للجد شوفي عزيزتي تبين شي يبيض المناطق الشديد السمار اذا ماكان السواد:27:
فعليك بوضع ملعقه كركم اصلي مع ملعقتين فازلين ولطي (اي ادهني)المناطق السوداء وشوفي الفرق خلال اقل من ثلاث اسابيع

واذا كنتي سنعه فجربي زيت الجلسرين مع الليمون بالنهار والكركم بالليل هذا طبعا اذا ماعندك دراسه ولا تطلعين من البيت الا باوقات محدده مثلا من المغرب لليل >>اخس يالدقه00هذا اذا انتي تبين نتايج سريعه


انا بصراحه جربت الفازلين والكركم على عيوني بعد ماكنت يأسه من انه يفتح لونها صح ماتوحد لونه مع وجهي لكن طلع لونه معقول مو مثل اول كن احد معطيني بوقس>> ياقدمهاا

واذا تبين شي يخفف وينحف بس يبيلك شهر علشان تشوفي النتيجه ادلكي المنطقه بخل تفاح اصلي بالكيلو من عند العطار مع قهوه مطحونه(بن) لمده خمس او عشر دقايق
صح انا مادومت عليها لكن صاحبتي مره ماشاء الله جابت معاها نتيجه بعدين تحسين الخل ينظف ويشيل السواد من المناطق اللي سمارها يكون ناتج من فطريات او التهابات

وعليك بقناع الزبادي مع الخيار للوجه شي يجنن
تخلطين بالخلاط زبادي وخيار وتحطينه على وجهك كامل حتى حول العين وبعد مايجف مرره تبدين تدلكين بشكل دائري واذا خلاص طلع كله من بشرتك اغسليه بمويه ورد بارده وشوفي الفرق شي صراحه مااعرف احد جربه الا شكر فيني

اتمنى اكون افدتك من المعلومات اللي استفدتها انا من بنات عالم حواء الله يجزاهم الف خير

وربي أحبكم .. ربي يخليكم لكل عين ترجيكم :23:

أدعوا لي بالتوفيق

أختكم .. الــــــين

الاخت قرويه ماقصرت معك ...

لكن هذا الرابط تفرجي عليه http://forum.hawaaworld.com/showthread.php?threadid=164088

وبالنسبه للزيت والسكر والليمون .......... مليت العلبه سكر واضفت لها الزيت لحد ما تداخل مع السكر واعصري ليمونه وحطيها معهم ........ وافركي فيها جسمك ....