الحقووووووووووونى قبل ما اتجنن ..

حبيباتى بنات حوااااء , تسلمولى كلكم سااااااااااااااعدونى ارجووووكم :
الحكاية انه حبيبي وخطيبي زعل منى جدا من فترة طويلة واتخاصمنا لأنى كنت عايزة اشتغل صحفية فى مجلة رياضية , وهو لاعب كرة قدم , ورفض فكرة شغلى تماما , لأن هو عارف انى مش محتاجه للشغل , وكان رأيه انه طبيعة الشغل تخلينى اكلم ناس كتير عشان اجيب الخبر , وانا اصريت واشتغلت وهو سافر عمرة واحنا متخاصمين و ولما رجع كنت انا اشتغلت خلاص , وواحد صحفى زميلى عرف قصة خصامنا بسبب الشغل , فحب يصطاد زى ما بيقولوا فى المياة العكرة , واتصل بيه وهو فى العمرة وقاله انا عملتلك احصائية هااايلة فى الجرنال عن عدد اهدافك مع ناديك ومع المنتخب وهابعتهالك مع بنت جديدة اسمها ايمان بتشتغل معانا وتبقى تقابلك فى النادى وتدهالك , ساعتها طبعا عرف انه انا اللى الصحفى بيتكلم عليها , لما رجع مكلمنيش , انا اتصلت بيه قالى مبروك الشغل , قولتله مين قلك ؟ , قالى عرفت وخلاص وربنا يوفقك , وقفل معايا فى الكلام وكنت كل ما اكلمه بعد كده يرد عليا ويكلمنى بطريقه غريبه شويه ويقولى اصل انا نايم , اصل انا فى زيارة ومش عارف اتكلم , ومرة قلتله هو انت مش عايز تتكلم معايا ,, زعق اوى وقالى انا مش صغير وعندى جرأة كفايه انى اقولك متكلمينيش تانى لو مش عايز اكلمك بس كنت حاسه انه فى حاجه مغيراه من ناحيتى واتأكدت بعد كده انه الصحفى ده وصله كلام مش كويس خاااالص عنى ,وطبعا احساسي ده كان بيخلينى اتعصب عليه واقوله كلام يجرحه وابعتله رسايل واضايقه فيها , وبعد كده قطعنا فترة كبيرة ومكلمناش بعض .
من فترة قريبة روحت النادى وكان عنده ماتش هناك لاحظت انا واصحابي انه بيبص عليا كتير اوى وبشكل ملحوظ , حسيت انه عايز يكلمنى ومش قادر لانه تقيل مووووت , واصحابي كلهم قالولى لازم تكلميه فى التليفون , فى الاول بعتله رسالة , وبعديها بيوم كان عنده ماتش مع المنتخب فى اسكندرية , كلمته بعد الماتش وهو راجع القاهرة من موبايل مامتى , وهو طبعا ميعرفش الرقم لأنه جديد , قولتله : الو ازيك , قالى الحمد لله وسكت , وبعدها قال مين ؟ قولتله ايمان , سكت تانى , قالى مين اصل انا مش سامع وضحك , اصل احنا راجعين مع الفريق على الطريق الصحراوى والشبكة بتقطع ومش سامع كويس, ممكن تكلمينى لما اوصل, قولتله هاترد على التليفون , قالى مش عارف انا حسيت انه فرح اوى لما كلمته لكن بيتقل , لأنى طبعا كنت غلطت فيه كتير وسمعته كلام جامد ده غير انى اشتغلت وهو مش موافق , فأنا عاذراه جداا وعارفه انه بيحبنى مووووووووووووووت

المهم دلوقتى انا عايزة اعرف هو عمل كده معايا فى المكالمة الاخيرة عشان يضايقنى ومكلموش تانى بعد كده , ولا مجرد تقل ورد فعل لكرامته الى انا جرحتها زماااااااااان .
يمكن تقولوا عليا مجنونة , بس والله انا مش مجنونة , انا يمكن موسوسة شويه , سااااااااعدونى .