انا قريت ان الطفل بعد ما يكمل السنتين او قريب ما يكملها يمر بمرحله يسمونها Terrible Two .. يعني حتى لو كان الطفل هادي في ها الوقت يتغير و ينجلب حاله ، لأنه يبدأ يفهم و يحاول يفرض شخصيته و استقلاليته عن طريق العناد
بنتي الحين عمرها سنتين و ثلاث اشهر .. قبل شهر كانت مثل الملاك هاديه ما ينسمعلها حس و لا صوت .. لكن من شهر متغيره تغير كلي صايره عكس ما كانت .. عنيده و راسها يابس و تصرخ و تضرب اخوها و تحاول تسوي اشياء -في نظري انا غلط بس يمكن في نظرها هي صح- .. بس احاول اطنشها ، لأنها مش راضيه تتقبل اي اسلوب صلح معاي .. لأن فعلا كأنها معلنه حالة حرب علي .. بس ما اسوي شي غير اني ادعيلها بالهدايه و الله يصبرني على هذا العند
ملاحظه "انا بنتي بس عنيده لكن ما تضربني" .. اقول ها الشي عشان ما اظلمها

عفوا اختي ورده ذبلانه
بس اسلوب الضرب ما ينفع مع عيال بو سنتين .. حرام و الله .. يد الام بكبرها اكبر من كتف الولد .. أكيد انت ما تقصدين الضرب بعنف ، بس الياهل اذا تعلم على الضرب من الحين يلين ما يكبر بيكون تعود على الضرب و اذا احتاج بعدين فعلا ينضرب ما بيكون في فايده .. لأن تعود على الضرب
أعتقد ها السن يبغيله تتكلمين معاه اكثر و تشرحيله الاشياء على قد سنه .. يعني مثلا اذا ضربها ولدها تقوله انها عورها و تراويه انها تتألم ..يمكن يحن على امه لأن الياهل ما يحب يأذي .. بس انا اعرف ناس ما نفع معاهم ها الاسلوب .. يعني الام لازم تتفهم ولدها و تحاول تلقى الاسلوب الي يهديه و يعقله ان شاء الله

يمكن بتتركيه يشوف سبيس تون ؟؟؟

سيدة ماما
مشكوره اختي على هالمعلومه ريحتني شوي وخلتني اتامل انها مرحلة وتعدي

وردة ذبلانه الله يحييك اختي
اختي لاتتصورين انني مدلعه ولدي ابدددددددددددددددد
بالعكس اهلي يقولون اني شديده معاه ويقولون قلبك قوي تعرفين تربين
انا اسلوبي معه في البدايهاني اطنش بعدين زودها صرت امثل اني اصيح كان اول يخاف ويعتذر ويبوسني بس بعدين صار ما يهمه يشوفني اصيح ويطلع من الغرفه
انا ماهمني الا انه يفشلني في السوق وعند الناس ..وانا متبعه سياسه برا البيت مستحيل امد ايدي عليه فما ادري وش اسوي!!!!!!
انا ودي احد مر بهالمرحله يساعدني
هل استمر في التطنيش والا ؟؟؟
وهل ستكون هذه مرحله وتعدي والا راح تستمر ؟؟؟؟؟؟

هلا باختي مهى
لا والله ما يشوف سبيس تون
اصلا ما عندنا الا المجد
وقناة الجزيره بس للاخبار