الحقوووووووووووووووووووووووووو وني يابنات جدة

انا جايبة توأم وعمرهم الآن 3شهور الا اسبوع
هلكوني والله العظيم
صار الصداع مايروح مني من قلة النوم
لولا الفيتامينات اللي باخدها يمكن كنت طحت من طولي من التعب والارهاق
احس قلبي رح يوقف ماهو قادر حتى على حيله انه ينبض من كتر التعب
معاناة معاناة
جبت شغالتين وحدة للبيت ووحدة للطبخ وولا خلصت
خليت خدامتي القديمة اللي عندي تمسك الاولاد معاي
بس هي بنت يعني ماعندها خبرة بالاولاد لسا

هدا غير عن انه واحد نكدي كتيير ومستعد يبكي طول ال24 ساعة بدون بريك او استراحة
والتاني متعلق فيني
وبمجرد احد تاني غيري يشيله يصير يبكي بس يبغاني

قولولي شو اعمل كيف اتصرف لو بتعرفو وحدة مربية وياليت فلبينية في جدة ارجوكم انقذوني


والله ماانصحكم ابدا بتوأم
لانه حتى هم بينظلمو معانا

لانه لما بيكونو ال2 معاي مابفضالهم ومابفضى ادلعهم و اناغيلهم او اشربهم موية ويانسون وكده

اما لما بكون واحد بس والتاني مع ماما بيكون اللي معاي مبسوط و مابيجيه مغص وبيرضع كويس وبيكون برازه كويس وكله تمام

اما لما بيكونو ال2 بصير بس بدي ياهم يرضعو وينامو واخلص

بس المشكلة بيتناوبو علي ومابينام واحد لحتى يتأكد تماما انه اخوه صحي واخد الدور عنه


نصيحة نصيحة لوجه الله
كانت النصيحة بجمل

لاتجيبو توأم ابدا
صح نعمة من رب العالمين الحمد والشكر له عليها بس تعبت تعبت

تعبت اعصابي ونفسيتي
صرت عصبية اتضارب مع خيالي
واتضارب مع الكل
اخلاقي واقفة فطرف انفي

وبس ببكي عالرايح والجاي

بالذات سلطان عنده فتق فالسرة ودائما ممغوص
وياما سهرننا ليالي بسببه

وراكان بدأ يصير عنده فتق دحين من ورا البكا المتواصل تبعه

لأول مرة فحياتي أتمنى لو انه ربي خلق لي 4 ايادي
2 امسك فيهم سلطان و2 امسك فيهم راكان

لانه كمان لما خدامتي بتشيل راكان بتلوح له ايده وبتملعها وبيقد يبكي كل مامسكته منها
سبحان الله مافي زي قلب الأم على ولدها
معا انها حنونة عليهم كتير بس الجهل الجهل