الحقوووووووووو علي

خواتي العزيزات ..

أول شيء السلام عليكم ورحمة الله وبركاته ..

أنا واقعه في مشكله وأبغى الحل ...

أرجوكم لا تبخلو علي ..


زووووووووجي تغير علي بالمره .. انقلب فوق تحت ..

بعد ما كان حنون .. رحوم .. مايرفض لي طلب .. تغير بالمره ..

وش الحل .. ؟؟ أنا من النوع الحساس جدا والغيوره جدا وهذي طبعا يبغضها زوجي فيني وهي مو بيدي ..

المشكله زوجي مدري وش جراله ..

اسلوبه جاف .. حمقي .. مايسولف معاي .. ولا يقعد معاي .. كل شيء أبغاه يرفضه ..

ولما أسأله يقولي أنتي حساسه ( لا قيها حجه ) ..

أحس إني بموت من القهر .. مارحت اليوم للدوام لأني عجزت أنام ولا أرتاح ..

نسى كل اللي سويته معاه .. من هدايا وأفكار ورسايل ..

لما أكلمه أحاول أقوله اشتقتلك ولهت عليك . يقول لا تكلميني لا صرت برا ..

لما أرسله رساله بالجوال يقول لا ترسلين أنا انسان منحفظ ما أبغى أحد يتكلم علي ..

لكن المشكله إذا رجع للبيت .. طول الوقت جالس تحت عند أهله وأنا ماأمنعه من هذا وأهله لازم يجلس معهم وأنا أحثه على ذلك .. لكن مو معنا هذا إنه ما يجلس معي ..

ولا يرقى للغرفه إلا إذا جاء وقت النوم .. يجيء يقول أبغى أنام لا تكلمين ..

أو إنه يجي ويقعد عند الكمبيوتر ولا يبغاني أتكلم إذا كان على الجهاز ..

سويتله الأفكار اللي كنت كتبتها بهذا المنتدى لكم ولقيت فيه إيجابيات ..

لكن هاليومين ذولي متغير علي مره ..

وكنت قبل لما أقوله أبغى منك كلام حلو ( تصدقون ما يقولي ولا كلمة أحبك من زواجنا )

إلا لما أسأله أنت تحبني ؟ ويرد علي أجل شلون أنا جالس معك ..

وكان دايم يقولي المشكله اللي بيننا إنك رومانسيه بزياده وأنا منب رومانسي ..

فأرجوكم أبغى الحل .. والله إني صار بي وسواس إنه يبغى يتزوج علي وأنا مالي إلا سنتين متزوجه ومعاي طفل واحد ..

أرجوكم لا تهملو هذا الموضوع فأنا بأمس الحاجة إلى آرائكم ..

خايفه ولا أعرف شلون أتصرف .. كيف أغيره كيف أخليه يقول لي كلام حلو بدون ما أسأله

أنا ما قصرت معاه من ناحيه نظافتي ونظافة غرفتي ونظافة طفلي وأيضا إهتمامي بأمه وأهله وخواته ..

أنقذوني قبل لا تكبرالمشكله ...
:44: :44: :44: :44: