الحقوووو بسرررررررعة .... زيت النخاع !

السلام عليكم ...

سمعوا يا بنات قصتي ويا زيت النخاع وعطوني رايكم ونصيحتكم ..

امس المساء رحت لسوق العطارين عشان اشتري بعض الزيوت والمواد عشان اعمل بعض الخلطات المذكورة في المنتدى ...

رحت اسأل عن مختلف الزيوت وسألني العطار لأي استخدام تريدي الزيوت فقلتله اني اريده عشان الشعر ... فقال لي اتركي عنك كل هالزيوت .. ونصحنى اني اشتري زيت اسمه زيت النخاع وقاللي انه هو الافضل للشعر الي الآن من حيث تقويته وتطويله وازالة القشرة وكل شي ..

عطاني سعر هو 150 درهم وكان يباع ب 250 درهم علي حسب كلامه .. المهم انا ما اشتريت من عنده ورحت للمحلات الثانية ونصحني العطار بنفس الزيت وعطاني ضمان ان ما اتحسن شعري خلال شهر ارجعله وبيرجعلي قيمة الزيت .. المهم بعد المجادلة عطاني الزيت ب 80 درهم !!! فرق كبير هااا؟؟
المهم اشتريت الزيت وانا فرحانة ورحت لمحل ثالث اشتري بعض الاشياء .. اول شي قاللي العطار في المحل الثالث انه احسن زيت للشعر هو زيت النخاع لكن لما شاف الزيت عندي في الكيس وانا اشتريته خلااااص قاللي ..
انا انصحك انك ما تستعملي هالزيت لأنه يؤدي الي تساقط الشعر وراح يضر شعرك لأن في وحدة من الزبونات راحت عنده وبهدلت العطار بعد ما اشترت الزيت من عنده وضر شعرها كثير!!!
ونصحنى اني ارجعه للعطار اللي اشتريته منه في اليوم الثاني عشان ما يستوي بينهم كلاش !!

الحينه انا محتارة !! شو اسوي ..؟؟ استعمل الزيت ولا لا .....؟؟
علما ان مكونات الزيت مش مذكورة علي العلبة وما اعرف شو هو زيت النخاع ..؟؟

حد فيكم مجرب هالزيت ولا عنده فكرة عنه ...؟؟

ارجوكم الافادة بسرررررررررعة ......

شرسة