سلاام ياعسولااات
اختي طالبتكم تبي حل مع ولدها عمره 8 سنوات ماهي عارفه كيف تتعامل معاه
اكلمكم عنه شويه
عنييد بشكل كبيير
طلباته لازم تتنفذ على طووول مثلآ قال ماما جوعان تقوله حاضر تدخل المطبخ وتوها تبدأ تسوي له الاكله
قال الحيييين الحيييين تجيبنه تقوله اصبر شوي يبكي ويقول وش دخلني جوعاااااان
وكمان لما تخطط تروح عند وحده يسألها متى بنرووح تقوله مادري بشووف وهو لااا لازم تقوليين متى
عشان كذا تضطر انها تهزئه
وتعامله بجفاااف غير كذا لما يكون عنده سالفه يطولها بشكل فضييييع ولازم تسمعه للنهااااايه
ولو صار انها التفتت في اثناء حديثه يرجع يعيد السالفه من اول وجديد:icon33:>>كاسره خاطري
وهي ماصدقت على الله انها تنتهي هالقصه
والحين قبل ثووواني جاء يقولها ياماما ابي اناام تعالي معايه ترد عليه حبيبي مشغووله شوي واجيلك
قال لا الحيييين تجين معايه قاالت خلاص جاايه ويروح ثواني ويرجع وعلى هالحال يمكن 5او6 مرات اخرشي
رفعت صوتها عليه وقالت لعاد اشوفك مدلع قليل الادب يالله انقلع وراح ونام وهي تبكي عندي كسر خاطرها
لما لقته نايم لحاله ...
والمطلوب كيف يمكن التعامل مع هالنوع من الشخصياات
على فكره معاه اخ عمره سنتين من يوم جاء هالطفل تردت حالته مع العلم ان الولد اللي عمره سنتين
تعباااان ويحتاج لمعامله خااصه تتوقعون هذا السبب
& شوشو & @amp_shosho_amp
كبيرة محررات
يلزم عليك تسجيل الدخول أولًا لكتابة تعليق.
تحقق حلم
•
الله يعينه ممكن الغيره من أخوه هي السبب وممكن تكون مدلعته من صغره وعلشان كذا تعود إن طلباته تجاب على طول خليها تحاول تلهيه مثلا طلب أكل وراحت تسويه تحاول تسولف معه عن المدرسه أو أي شيئ ثاني حتى ينسى السالفه وهي ترتاح الله يسهل أمره ويشفي ولده ويصلح أخوه
Rseel**
•
الطفل العنيد صعب في التعامل ويحتاج نوع خاص من المعامله خليها تقرا كتب و مواضيع في النت عن الطفل العنيد و تطبقها عليه الله يكون في عونها وعوننا
الله يصلحه واطفالي سبحان الله الحمدلله لا اله الا الله سبحان الله وبحمده سبحان الله العظيم لاحول ولاقوة الابالله استغفرالله العظيم ان اردتي تحقيق الى تتمنيه بإذن الله http://forum.hawaaworld.com/showthread.php?t=2334581الله يصلحه واطفالي سبحان الله الحمدلله لا اله الا الله سبحان الله وبحمده سبحان الله العظيم ...
الله يصلحه واطفالي
الصفحة الأخيرة
سبحان الله
الحمدلله
لا اله الا الله
سبحان الله وبحمده
سبحان الله العظيم
لاحول ولاقوة الابالله
استغفرالله العظيم
ان اردتي تحقيق الى تتمنيه بإذن الله
http://forum.hawaaworld.com/showthread.php?t=2334581