noly22 @noly22

عضوة فعالة

الحقو علينا اكتشفنا ان خدامتناالأندنوسيه رئيسة عصابه

مسيتم بالخير يابنات

الحقوعلينااكتشفنا ان خدامتنا رئيسة عصابه..

بعطيكم التفاصيل عشان تفهمون علينا وتساعدونا ,,

حنى خمس بنات ساكنين مع امنا لحالنا وابوي متزوج وساكن مع زوجته الثانيه من سنين وعندنا خدامه لها خمس سنين وعندنا ثلاث خوات كبار متزوجات واخيين متزوجين وكلن ساكن لحاله ..

المهم ,,

تعودنا انو كل ويك اند تجتمع العائله الكريمه في بيتنا اخواني ,خواتي,حريم اخواني,ازواج خواتي ,البزران والشغالات..
وبطبيعة الحال تتصنف القعده يعني الخدم يختلطون بالسواويق والبزران مع البزران مع البزران وهكذا..

لحد ماجا يوم من الأيام وتوظفت أصغر خواتي المتزوجات لأن زوجها راتبه مرره قليل ومايكفيهم ..

وبطبيعة الحال اضطرت اختي تجيب بنتها الصغيره اللي عمرها سنه مع خدامتها الصبح في بيتنا لأنها تخاف تخليها لحالها الصبح مع الخدامه

ومررت الأيام والخدامتين(حقتنا وحقة اختي)سمن على عسل وكل يوم يجن ويهذرن لحالهن الصبح طبعا انا وخواتي في مدارسنا(طالبا ت ثنوي ومتوسطوابتدائي)

وامي نايمه الصبح يعني بكل بساطه مخلين الدرعى ترعى(ترى مدري وش معناها بس مدري وش جابها في بالي)

الحاصل ان بيوم من الأيام اختي الوسطانيه مرضت بنتها اللي بأولى ابتدائي وماقدرت تغيب وجابتها بيتنا مع الخدامتين ..

ومراسبوع تقريبا..

وفي يوم خميس مدري جمعه المهم انه كان ويك اند الصبح ..

جت خدامتنا تبكي وتصيح عندي انا وامي وحنى نفطر الصبح ..
ماما لوناا في أخذ فلوس انا..(لونا خدامة اختي الي اصغر المتزوجات )
انا واميي:.............

وتروح تجيب الشنطه وتفتح البوك وتسوي علينا الحبتين حقة الإندونسيات دلع وبكا ..

بيني وبين نفسي ماصدقتها بس امي يقلبي عليها على طول صدقت ..

اللحين بكمل ان شاء الله بس اصبرو علي شوي ..

النوم طار من عيني..

يلزم عليك تسجيل الدخول أولًا لكتابة تعليق.

تسجيل دخول

noly22 • 17 سنة

نكمل

قالت لها امي: وانتي وش دراك ؟؟

هي:ماما انا في هذا بيت كمسه سنه مافيه احد ياخذ فلوس انا ومافيه احد ادخل غرفه الا لونا..
قالت امي:يصير خير..

وتركنا الموضوع على حاله ...

والمغرب,,
وجتنا اختي (اللي خدامتها سرقت خدامتنا)..

وعلمناها ..

وامي (على نياتها)وصتنا مانتدخل بالموضوع ,,تقول هم يحلون المشكله بينهم ..

وحنى نتقهوى الا وجت خدامة اختي وشكلها صايحه وباكيه وكنا سامعينهم قبل تجي اصواتهم عاليه ,بس طنشنا زي ماوصتنا امي ..

وجا الليل وراحت اختي بيتها ..

بكمل بس انتظروني شوي لأني قاعد اكتبها على وورد ..

noly22 • 17 سنة

وصادف ان اختي اللي اكبر مني بشوي(بثالث ثنوي) غابت عن مدرستها ..

والصبح قعدت مع امي وجتهم خدامتنا ,,

وخبرتهم عن اللي صار من امس..
تقول(بعلمكم اللي فهمناه منها)

ان عندهم بأندنوسيا اللي يشكون بكذبه يخلونه يشرب مويا مقري فيها (بس تراا ماندري وش نوعية القرايه )
واذا كان كذاب يصير على عياله مصيبه ,,وتقول انها سوت هالشي لخدامة اختي ورفضت تشرب المويا وبرأيها هذا أكبر دليل انها هي اللي سرقت الفلوس من الشنطه ..
وخافت اختي وطنشتها ..

لوتس999 • 17 سنة

مااقول الا اللة يعينكم على الشغالات سفروها وجبوا شغلة وحدة كل يوم تنظف بيت

noly22 • 17 سنة

وقبل فتره كانت اختي سهرانه عندنا وجت خدامتها تبكي بهستيريا

قالت:يامدام السواق يقول ان ولدي ارسله رساله على جواله من اندنوسيا يقول ان اخوه الصغير مريض ..
وكلمتهم وطلع الموضوع كذب الولد طيب مافيه شي ..

>>>>>>>

مالكم بالطويله ..

مرر حول شهر,,

وجا امس ..

وكالعاده ليلة خميس اجتمعنا كلنا ..

ولما جا 12 بالليل تفرقت القعده وكلن راح بيته ..
وانخمدت خدامتنا ..

وشوي الا اختي اكبر وحده تتصل علينا ..(مالها دخل بالموضوع هي وخدامتها لامن قريب ولامن بعيد)

تقول خدامتها مسويه هوشه كبيره وتقول تبي تسافر هاللحين ..

الأشـواق • 17 سنة

للحين مافهمت وين المشكله
على العموم الله يعينكم على شغالاتكم وانا اكره تجمع الشغالات مامنه غير الشر