الحقو علي صديقتي تبي تطلق

السلام عليكم ورحمه الله وبركاته
ياريت ياابنات حواء اسمع منكم الراي السديد بمشكله صديقتي لاني حتي انا شخصيا ماقدرت ارد عليها
البنت منهار وماغير تبكي قطعت قلبي من اسبوع وهي متغيره وانا حاسه فيها بس مو قادره تتكلم والبارح
كلمتني بالجوال ماغير تبكي وتصيح وتقول وش اسوي بعمري بيضيع عمري
مشكلتها انها مخطوبه من 5 سنين تخيلو عمركم سمعتو خطوبه 5 سنين انخطبت وعمرها 20 سنه والحين خلاص بتخش ال25 سنه وللحين عريس الغفله ماتحرك بشي اول ماتقدمو خطبوها هي عارفه ضروفه علي قده ومبتدي حياته
ويشتغل مع ابوة والحمدلله عطوها المهر وكل شي تم والملكه والشبكه ومن بعدها ب4 شهور صارت بينهم مكالمات بالجوال ومن ضمن السوالف سالته انت وش تشتغل مع ابوك قال لها اساعده بالمؤسسه ويعطيني شهريا مصروف:eek:مره 500 ومره 800 علي حسب بس مايزيد عن ال800 ريال صديقتي انصدمت قالت طيب ابوك بيبني لك شقه ببيتكم قال لها مافي مكان يمكن نعيش بغرفتي وفيها حمام قالت ماعليه امنت بالله رضت بالامر الواقع طيب سنه سنتين قالت له ماحوشت شي للعرس قال دايم اكلم ابوي يقول بعدين تو الناس والرجال عمره حاليا 29 سنه وشو الي تو الناس الي متي قالت له طيب نسوي عرس صغير علي قدنا ونتزوج قال لها كل شي بيد ابوي مااقدر اسوي شي الا بموافقته وابوة مطنش ونايم وتخيلو طووووول هال5 سنين ماعطي زوجته مصروف ولا شي ابد ابد ابد وصديقتي علي قلبي ابوها متوفي وماعندها الا اخ وحيد يدرس بامريكا وهي وامها واخواتها 2 بالبيت بس وولي امرها عمها كلمته كذا مره قال خير اكلم الولد اكلم ابوة ومطنش يعني ماعندها احد يتحرك بموضوعها فهي كلمتني ومنهار تقول افكر جديا بالطلاق وش هالزواج الي ماله اخر حتي مره تجرات وكلمت ام زوجها تقول لها ياعمه والله ماترضينها علي بناتك الي متي قالت والله ودي اشوف عياله بس ابوة بارد الله يهديه بالله عليكم هذا كلام انا ماعرفت وش اقول للبنت ماودي انها تطلق بس جد ماينعطون وجه صارت هي تتجرا وتكلمهم وكل يوم مكلمه زوجها بالموضوع لدرجه انه مل وصار يتعذر وساعات مايتصل عليها والمشكله اول ملكت الحكومه اقتطعو من راتب ابوها المتوفي نصيبها يعني حتي مصروف مافي بس امها تعطيها بين كل فتره 200 او 100 ريال لدرجه ساعات تتصل علي انا او وحده من البنات تقول عبو لي شحن ب10 وبعدين اعطيكم والله مقطعه قلبي مانمت من التفكير فيها وش الحل بالله عليكم والي ماعندها حل تكفوووووووون لاتنسوها من الدعاء اعتبروها اختكم