الحقو علي وانصحوني ايش اسوي مدرسة بنتي جابتلي الضغط

السلام عليكم انا واللة احترت واحسي انشل تفكيري من مدرسة بنتي كل يوم جايتني بنتي تبكي وتشتكي من المساعدة حقتهم سجلتها في هل مدرسة ويليتن ما سجلتها في المدارس السعودية ئلي علي طريق خريص عندهم مساعدة شغلتها بس تنزل الطالبات وتهزئهم ويريت تهزيئها علي كسل او شقاوة داخل الفصل لا بسبب انهم يتكلمون في الباص ويزعجون السواق السوداني علشان يسمع الاخبار واللة لما قالت لي بنتي كذا ما صدقتها وقلتلها لايمكن مساعدة تكتبك علي تعهد بسبب انك تتكلمين في الباص لاحد ماتصلت علي المساعدة واتفاجات في ردها لا وتقولي ا ن بنتك تتكلم في الباص وتزعج السواق وتسولف هي وصديقاتها عن سوبر استار تخيلو بنتي في فترة مراهقة في اول متوسط تفاهمت معاها وانتها الموضوع اليوم جتني بنتي تبكي وتقل المساعدة نادتها وهي في الحصة وقالتلها انا فصلتك من الباص علشانك تتكلمين بصوت عالي المفروض انك تتكلمين في الباص بصوت قصير كان جنبك واحد نايم تخيلو ياخواتي المشكلة ان باصهم مقربع والمكيفا ت حقتة حارة ولا فية تضليل الا بعد ماشتكيت ضللوة وير يتهم رخيصين الباص حقهم غالي 2000 ريال في السنة هذا غير رسوم8000الاف في السنة بنتي واللة من المتفوقات وجريئة واثقة في نفسها واللة هل مدرسة حطمتة وحطمتني معاها واللة اليوم لما قالتلي علي الموضوع احس ان الدم غلي في عروقي بنتي تبكي بحرقة وتقول فشلوها قدام صديقتها انها فصلتها م الباص تقول صديقاتي بيتوقعون انة شي اكبر من كذا دلوني تكفون كيف اتصرف مع هذي الاستاذة احسها ماهي قادرة ولا عارفة تحتوي البنات المراهقات في المدرسة مديرة المدرسة احسها ذوق بس حاسة انها ماهي قادرة توقف مساعدتها عند حدها دلوني وين اروح اشتكيها لي قسم وهل من حقها تفصل بنتي من الباص وتاثر علي نفسيتها قريب الامتحانات