انا بقولك السبب اختي
هذا حاله خوف وكره للمدرسه نفس الحاله صارت لخوي الصغير اول اسبوع مستانس وفرحان بعدها بدا يتغير ويكره المدرسه وصار كل صبح يستفرغ ويقعد في الحمام الله يعزك ساعه ولا يفطر وحالته حاله ولما راح الوالد لمدرسته وشاف اسلوب المدرسين مع الطلاب اتهاوش معاهم بس ما فيه فايده
وفي الاخير نقل الى مدرسه ثانيه احسن من الاولى واسلوب المدرسين افضل بكثير صار ما يبغى يغيب عن المدرسه
يعني كل شي يعتمد على اسلوب المدرسين وطريقتهم في ترغيب الطلاب للمدرسه
فاذا فيه مجال تكلمون المدير والمدرسين يغيرون اسلوبهم ولا راح تستمر حالته وتاثر في شخصيت الطفل
والله يحفظه لك من كل مكروه

حسبي الله عليه من مدرس

انا ابني اول اسبوع عمل الشي نفسه لكن الحمد الله تدرين اني في يوم من الايام عطيته قبل مايروح للمدرسه علاج ضد الترجيع كنت محتاره وبنفس الوقت متضايقه مدري شسوي والحمد الله سهلها ربك

الله يكون في عونك وحسبي الله على كل مدرس ومدرسه مايراعون عيال خلق الله ولا يقدرون انها صغار والمدرسه بالنسبه لهم مكان غريب ماتعودو عليه يبون الحنان موالضرب والشده وفي النهايه يطلعون اطفالنا فيهم عقد نفسيه بسببهم

أختي حبيبتي لاتقلقي أبدا الحالة هذه اللي يمر فيها ولدك عادية وطبيعية بس انتي حاولي انك لاتخلي ولدك يلاحظ قلقك الشديد هذا عليه وبالتالي الحالة عنده بتزيد ليستعطفك

ابن أختي كان يمر بنفس الحالة بالأول كان عادي يروح المدرسة مافي اي مشكلة
لكن بعد اسبوعين بدأ يشكي من خشونة وقسوة المعلمين في التصرف معه
وبدأ يوميا في الصباح بالاستفراغ ويشتكي من آلام في بطنه
والعلاج أختي :

الصبر اولا علشان تعرفي شلون تعالجي المشكلة
ثانيا : اشترت اختي عسلا طبيعيا ( غير مغشوش ) وكانت كل يوم قبل النوم وقبل ذهابه للمدرسة في الصباح تعطيه ملعقة كبيرة من العسل ( نصحها دكتور أعشاب بهذه الوصفة ) لمدة شهر والله العظيم ولله الحمد ذهب كل الاستفراغ والآلام التي كان يشتكي منها
وكان والده في كل فترة يطمئن عليه في المدرسة ويحرص على مراجعة الاساتذته والتنبيه عليهم بعدم معاملته بقسوة
ولله الحمد جابت نتيجة رائعة والحين ولد اختي في الصف الثاني ابتدائي لم يعد يشتكي من آلام في بطنه ولا استفراغ


بس مثل ماقلتلك اختي الصبر ثم الصبر وحاولوا توصون الاساتذة على الولد وعلطول ابوه يتصل على المسألة ويسأل عنه ولاتنسي العسل باذن الله بيتحسن