الحق معي او مع اهل زوجي؟؟؟؟؟؟؟

بسم الله الرحمن الرحيم
مساء الخيرات اخواتي
استشارة بسيطه لاني بحيره من امري
السالفه بختصار انا اسكن عند اهل زوجي بسبب ظروف مادية خاصه بالاضافة زوجي هداه الله مايبغى ينسى ايام العزوبيه ويستوعب انه تزوج وان زوجته محتاجة بيت يضمها هي واولادها تكون فيه اميرة الامره الناهيه فيه
المهم عشان تكونون بالصورة
انا معي في بيت اهل زوجي سلفتي معها اطفال مسؤلة عنهم بدون خادمة
وانا معي بنوته وحامل
فيه ام زوجي وابوه واخوان زوجي وعنده اخوات وحده بالعشرينات والثانيه بالثلاثينات
المشكله من جينا عندهم واخوات زوجي للاسف شايلين يدهم من طبخ الغداء والعشاء
ولا يدخلون المطبخ الا اذا كانو مشتهيات ذاك اليوم يعني شغلة كيف ومزاج ماهو التزام
ومبدئهم ان البنت قبل الزواج لازم تتدلع وترتاح وان البيت المسؤله عنه زوجة الولد
انا وسلفتي لمحنا وتكلمنا وصارحنا لكن عمك اصمخ
مانشوفهن ينزلن الا اخر النهار مثل الضيفات
وحنا مطالبات بطبخ وجبات الاكل وياليت يعجب احد
لازم نسمع انتقادات الرز مالح خانس مطبوخ زايده عن اللزم ما البهارات كثيرة... الخ
وفوقها نجلس للعصر ننتظرهم يجتمعون على الوجبة عشان نحط السفرة
واللي غايب نشيل له غداء ونغلفه وحاله
ولما شلنا يدينا من المطبخ لما ماشفنا مساعده ام زوجي زعلت

هل اكلم واحد من عايلتهم عشان هذي القصة ويشوف لي حل؟
او نعتزل الشغل؟
او ايش هو الحل بالضبط؟
( للمعلومية هذي المشكله قامت تأثر بعلاقتنا بأزواجنا لانهم بين نارين مايعرفون من يرضون!!)