( الحكم الجليه ..في كشف مصايب الليالي الرومانسيه)...>>>> من وين طلعت لنا ياربي....؟؟؟

الصراحة اهدي الموضوع هذا للاخت butshi بعد ماقريت موضوعها (عمركو شفتوا تطنيشة اقدع من دي)...

واهديه لروحي (يحول منيب احب روحي ابددددد)..اللي كلما دخلت هنا ..اتسائل..الخلل مني انا والا وش سالفة هالليالي الرومانسيه...؟؟؟؟؟

واهديه لزوجي اللي كلما ناظرته قلت (يحول يللي ماعنده ليالي رومانسيه)...
بس عادي فيه عنده قناة CNBC...يعني الرجال مرتاح ماعنده خلاف..:arb:



واعتذر من الاخوات لان الموضوع بيكون فيه نوع من الركاكه لان لي سنين ماكتبت موضوع...:3_3_103:

واتمنى من احد يتبرع لي بدرع لانه بتجين نعال كثيره لاني كاتبه الموضوع هذا بمنتدى (الليالي الرومانسيه ) وهالطقه...يعني جايتكم بعقر داركم..واتفلسف عليكم بعد...كملت..!!!
:11retcher

ايضا(ركزوا على كلمة-ايضا- ترا متعوب عليها - ومسروقه من منتدى مجاور للغة العربيه- بس اشوى ماصادون لاني لابسه قناع الننجا حق ولدي، يحسبونن الفراش)..


ايضا اطالب بحق اللجوء السياسي لمنتدى ساعدوني لو لا سمح الله قاموا علي الاخوات هنا..



المهم..



اجي احيانا (احلفي انه احيانا موب دائما:p)...
واقرا هالافكار النيره يالله من فضلك:huh:....



اللي تبيتس تقلبين روحتس سبوره وترسمين بالقلم على جبهتس وساقتس وخشمتس.....
وعلى الطريق مادام قالبه قالبه...درسي عيالتس واسمي خارطه المملكه على كتفتس...على الاقل شي مفيد..ومقبله الاختبارات...يعني حج وقضاء حاجه..



واللي تقول لفي روحتس هديه .... (تخيلي روحتس صاموليه ولفي بكل اخلاص).
.ولو مالقيتي لفافات..جيبي جرايد..
اضمني ان زوجتس بيهتم اهتماما بالغا وبيقعد يطالعتس ساعتين (مبهور)<<------- لانتس ملففه روحتس بالصفحات الرياضيه وفيه تحليل لمباراة الهلال والنصر...والا صفحة الاسهم




واللي تقول انثري ورد وقراشيع على السرير والارض
(والله اذا كنتي انتي اللي بتجين تكنسين عقب..معليش انثر ان بغيتوا قراطيس حلاو مصاص بعد فوق المخاد)
لكن محد متورط به الا انا..!!



واللي تقول ودي عيالتس عند اهلتس وانسيهم...
خير ان شاء الله؟؟
احمدوا ربكم على هالنعمه الكبيره اللي عندكم...!!

اولا هذولا بالذمه...وصح اهلي زيي..بس ولو..الام هي اللي مسؤولة عنهم قدام الله

ثانيا الجده (اللي هي امك) كلما تتقدم بالسنه ترا ماتتحمل الاطفال وصجتهم...
(واذا صار رفيقك عسل لاتلحسه كله)...
تمسكهم اذا عندك ارتباط اجتماعي...
اذا عندك مشوار مهم...
اذا تبين مثلا تتعشين انتي وزوجك بهدوء... :3_10_6: (بس موب دايم)<<<تحسون الله يعين بنتي علي اذا هذي افكاري من الحين...

بس علشان ليله حمراء؟؟؟؟؟؟احس والله حتى عيب عند اهلي...وش تقولين؟

خوذوا عيالي علشان ابانام مع زوجي مابي صجة؟؟؟<<----وين الحياء



..يعني لاتخلين شغفك بهالليالي الزرقاء والموفيه والبرتقاليه المنقطة بالبنفسجي وركضك ورا زوجك يخل ببرك بوالدتك...ويخليك تسفطين عيالك وهم صغار بحاجتك..
ترا فيه اولويات ..هماه<<<--- صوروني وانا مشخصه اقول حكم وامثال:bkh:

(ماينفع اسوي لي برنامج خاص اتفلسف فيه)؟؟
<<<باللهعطوا هالخشه كف يمشي مليون هنا لو سمحتوا..






واللي تقول دخلي معتس علبة كاكاو بغرفة النوم ووووو....(&*^&%&%&*)<<<---مشفر
ياعالم كاكاو اسوي به كذا؟؟؟؟؟؟؟
نعمة ربي؟؟؟؟؟


اولا استغفر الله<<< احلفي
اقصد فيه ناس موب لاقين ياكلون خبزززز وهو خبز
وحنا نلعب بالكاكاو كذا؟؟؟؟
الله لايخسف بنا بس..

ثانيا والله قسم بالله احسن لكم مليون مره ومن صحيح لو ان هالكاكاو قاعده تاكلينه انتي وزوجك وعيالك ( ياعمري ياهالعيال كاسرين خاطري-اللي محلوتين عند جدتهم ولا ياكلون كاكاو بعد ) كوليه انتي واياهم بالصاله:10_8_10:
...بطريقة طبيعيه ومتهنين وتطالعون التلفزيون واخر وناسه وسواليف ووش صار لك اليوم ووش رايك و و و ..





ترا موب اهم شي بهالحياة السرير والتفنن فيه ...
السعاده باشياء ثانيه...مهمه جدا....اشياء تدوم
اشياء تبني الشخصيات
اشياء تعتبر ركائز اسريه على المدى البعيد..
الاحترام...البذل...الاهتمام...الحوار...الرقه..الحنان...
مهوب اشياء وقتيه تستمر كم دقيقه تبي تعتبرينه هي اساس قوة العلاقه عندك؟؟؟
V
v
v
v
v
v
v
v
v
v
v
v
(علشان بس محد يقوم علي..انا مااتكلم عن العلاقه الزوجيه الحميمه الطبيعيه اللي معروفه اهميتها ..اتكلم عن التقليعات الغريبه اللي يعتبرونها الناس هي اللي تقوي الحب بين الزوجين)





(كلاكيت مره ثانيه وانتي وعيالتس وابوكم بالصاله تالكون جالكسي وتناظرون المحقق كونان)<<<----علشان تفهمون بس وش اقصد يوم اقول السعاده باشياء ثانيه...


واللي تقول اكتبي بالروج احبك على المرايه...
بالله ومن بيجيب فوطه يمسحه ذا ويتورط به غيري...:3_2_8v:

وبكيفه موب لازم يقرا احبك
لان المفروض شايف حبي بالافعال :27: مهوب حركات ترسيم وتكتيب..



بس احب اقول لكم قصة بالاخير...

لوحده من ضحايا الليالي الرومانسيه (على قولتكم)


لبست فستان زواجه والطرحه وماكياج ودنيا....
ونومت عيالها وقفلت عليهم بعد...
وراحت تنتظر الابو بمجلس الرجال (علشان تسوي له استقبال من اول مايدخل)..

مفاجأه بزعمها...
طبعا هي مسكينه من كثر شغل البيت...نعست مره وهي تنتظر
تنتظر تنتظر ماجاء...
غفت عينه الحرمه ونااااااااااااااااااامت ورا الكنب متغبيه...
والدنيا ظلماء طبعا...(علشان مفاجاة)
ودخل الزوج ...يدور يدور يدور بالصاله...
بغرف النوم بالمطبخ...
ماااااااااااااااااافي احد؟؟؟؟؟
يكلم اهله ...ماااااااااااااااااااااايدرون وينه؟؟؟؟؟
يدور بكل مكان..مالها اثرررررررررر
ويجون اخوانها مدررررررررررعمين ومرتاعين...وين اختنا وين وين...؟؟؟؟؟
كل خاطره شينه تجي ببالهم...
ويفتح الزوج لمبه مجلس الرجال علشان يجلسون سوا يتفاهمون وش بيسوون...بيروحون للشرطه والا المستشفى والا من صديقاتها...و و و و
ويلقون الحرمه
نااااااااااااااااااااااااااااااااااااااااايمه بالمجلس ولابسه طرحه
هههههههههههههههههههههههههههههههههههههه

وهاااااااااااااااااااااات ياتكفيخ منهم كلهم الزوج والاخوان...
علشان روعتهم...

ووالله احس الفشيله اكبر من التكفيخ...
ياااااااااااااااااااااااااربيه لاعادت...


بس فكووووووووونا من الليالي الرومانسيه

الموضوع مجرد دعابه..وابداء رأي...لا اقصد فيه تجريح لأحد...
فقط خاطره وحبيت اترجمه لسطور..
اتمنى مااحد يزعل


وخلوا كل لياليكم رومانسيه طبيعيه خاليه من التقاليع
وتقبلوا تحياتي