شوفي اختي انا راح احكيلك رايي
وانتي حرة تاخديه او تتركيه واكيد الي اديه بالمي مش زي الي اديه بالنار
1- استفتي شيخ بموضوع الرسالة حتى لو حكاها مكتوبه الطلاق مش لعبة ((جدها جد ومزحها جد)) لازم تاخدي فتوى فيها وتعرفي وقع الطلاق كطلقة اولى ولالا
2- انا بتذكر من موضوعك انو زوجك ضربك وتهجم عليكي وسبك وكل هدا ليش؟؟ من شان سبب تافهه وكان هو الغلطان
3- هلا بحكيلك ارجعي لحالك يعني ضربك واهانك وطلقك وبدو اياكي ترجعي لحالك من دون ما يتنازل
4- انتي معززة مكرمة في بيت اهلك والحمد لله انتي بنعمة كبيرة الك سند الي هم ابوكي وخوانك وواقفين جمبك وهدا اهم اشي .حتى لو الشعور انك ثقيلة عليهم هدا شي طبيعي جدا بس اهم اشي انهم واقفين معكي
.حطي ببالك اذا تنازلتي ادامهم عمرهم ماراح يرجعوا يوقفوا جمبك انو انتي جاية رايحة راح يسيرو ياخدو كل مشاكلك بطريقة سلبية
انا براي انتي لا تبعتي اي شي هلا ...خلي اي حد رجال فاهم ابوكي او اخوانك يحكي معاه ويتفاهم معاه انو انتي مش لعبة عندو واكبر عيب يمد ايدو عليكي وكمان احكيلهم على موضوع المسج وانو طلقك طلقة لازم يكونو بالصورة مادام دخلتيهم من البداية.خليهم يتفاهمو معاه ويوقفوه لعند حدو بس تاخدي حقك ارجعي على بيتك معززة مكرمة وهو الي يرجعك ..بس اذا رجعتي هيك لحالك انتي ما حليتي ولا اشي ماكسبتي غير الاهانة ادام اهلك ودموعك وقهرك وسمة البدن زي ما طلعتي من بيتك رجعتي ..بكره نفس المشكلة راح تتكرر ونفس الطريقة راح يسير
حتى لو اعطاكي رضوة الفلوس لا بتقدم ولا بتاخر لازم يكون الاحترام موجود لازم تبني حدود من الاحترام والعشرة الطيبة بينكم ما يتجاوزها
برجع بحكيلك اختي هدا رايي وانتي الك حرية القرار
شوفي اختي انا راح احكيلك رايي
وانتي حرة تاخديه او تتركيه واكيد الي اديه بالمي مش زي الي اديه...
واذا اهلك تضايقوا من عيالك خليهم يروحون لابوهم اما انتي لا اهلك ملزومين فيك ماعليك من احد ترى الرال يحبون المراه القويه ويعملون لها حساب