الحكيمات ابي تردون علي تكفون مهمومه

السلام عليكم
الي تتذكرني انا مطلقه عندي بنت ماكملت سنتين
طليقي جاء بيرجعني واخواني رفضوا مع ان ابوي بالبدايه لان شوي وبدقيقه وهوواقف من كلامهم عصب وصار من رايهم
وطليقي يقول بنتظر سنه واتقدم لك لعل وعسى بس انا غاسله يدي من الرجعه الموضوع متخربط واخوي زمان قد تهاوش مع طليقي ويكرهه وامي مع اخوي والكلام الزايد والحال يضيق الصدر حتى انا اليوم عفت الرجعه وهو لما جانا جايب خاله شايب وبعد ماطلعوا منا خاله عطاه بنته وبسرعه انتشر الخبر ووصلني من قرابتهم وانا قلت له خلاص خذها حسيت بقلق تعبت حيييييل هووضعه مزري من تفرقنا مايتعشى وغداه من المطعم والحال صعب وصاحب البيت يقول انت جالس عزابي بتكمل 6شهور اطلع من البيت وامه تزن عليه >>هذا الكلام اعرفه من قبل يجي هو وخاله وهوبعد ماتفرقنا قبل تاصلني ورقة طلاقي حصل وظيفه ممتازة وكان مقدم على ناس من سنه يساعدونه يسددون ديونه ويبشرني ارسل صورة سدادهم لديونه واخته طلعت كلام تقول  انا قايله له من زمان غير عتبة بابك وتغير احوالك وتتكلم فيني اني وجه فقر على اخوها وان من تفرقنا فتحها الله عليه طيب نسوا اني انا صبرت على قل الماده وكنت نعم الزوجه وهو كذلك مانكر طيبته وحبه لي واشياء كثيره ماتنذكر المهم تهاوشت مع اهلي ودقيت عليه وتناقشنا وجلست ابكي قلت خلاص تزوج وصار كلام كثير بيننا
واقنعته ان اهلي ماهم مغيرين رايهم وشف حياتك خلاص
وحسيته اساسا متورط مايبي يرد خاله وامه ومايبي يزعلني
وعلى فكره انا مرة احتجت وطلبت ابوي ورفض
وطلبت اخوي المتوظف وغير متزوج ورفض
ولمحت لأبو بنتي اني محتاجه قال كم محتاجه قلت ألف وخمس
وحولهم لي بنفس اليوم وقال افتحي حساب لك احولك مصروف بنتك واللي تحتاجينه بدال ماحول مصروف بنتنا على حساب ابوك
وخواته وامه ماحد يسأل عن البنت ولافكروا يشوفونها
وقبل اسبوع حلل طليقي وخطيبته وملكته الاسبوع الجاي وبتسكن في نفس شقتي وبعدين انهرت كل ماتخيل انه يدخل على حرمه غيري تعبت حييييل وهو قال لي برجع اتقدم لك ان شاءالله اهلك يرضون يعني ارجع وعنده حرمه ويقول لي والله خايف اظلمها معي لاني احبك انتي وبظلم بنت الناس معي
الحين انا مومرتاحه عند اهلي ابد من جميع النواحي ولابنتي مرتاحه واتعرض لظلم ونفسيتي تعبانه وطليقي طلبني يستاجر لي شقه ويأثثها ويصرف علي وعلى بنته يقول حتى لوماترجعين لي ابد اجلسي فيهل معززة ومكرمه وان وافقوا اهلك نرجع لبعضنا وان بغيتي تزوجين غيري ترى بنتك معك ماراخ اخذها منك وقال اسألي ابوك يوافق استاجر لك وانا متردده كثير لكن 90% ابوي ماهمه بيوافق ابوي مايبي الا فرقانا ولاحد قايم فيني مشاويري كلها مع السواقين بس برجعتي لطليقي تحكموا لكن اهلي يبوني اتزوج وانا رافضه طبعا الزواج مايقدرون يجبروني عليه لأني قلت لهم ماقدر اترك بنتي 
الان خواتي عادي اسكن لحالي انا وبنتي قريب من شقة ابوها؟؟؟
والا اتزوج واطلع عن اهلي؟؟؟ لان المتقدم يمدحونه
او اجلس عند اهلي واصبر على الضيم 
ترى والله اكررره بيت اهلي سبحان الله مافيه راحه مع انه كبيييييير
نسيت اقولكم خوات طليقي يوم اخوهم خطب وبيملك الان يقولون انهم بيمرونا يشوفون البنت