الحكيمات بالله تعالواا احتاجكم ..

سلام عليكم ورحمة الله
كذا مره اكتب هنا قصتي مع المرض الروحي ومعاناتي مع المرض والناس والدراسه وكثير مصايب جاتني والحمدلله
المرض اثر علي بكل حياتي حتى حياتي الاجتماعيه
سبحان الله لاحضت من اول ماابلاني الله بالمرض ابحمدلله
وكثييير ناس انقلبوا وتغيروا علي ماافسرها الا انها احتقار وشوفه نفس تغيروا بدون اي سبب يذكر
سبحان الله بعد تحسين العالم كله يتخلى عنك رغم انك اصلن ماطلبتيه مساعده !!
بسسس كذا يتخلون وبسرعه
وطبعا الكثير يحب يشمت ويستحقر وكان المرض عيب


المهم هاذا مع الناس
لاكن كمان وصلت حتى لصديقاتي الي المفروض انهم يكونون لي سعاده بهالفتره من حيااتي
صديقتي وتؤوم روحي هاذي بسبب ظرووف جدا صعبه صارت لي وحالت بيني وبينها وصارت في طريق وانا في طريق هاذي مااقول عنها تخلت او استغنت لا والله حاشاها لاكن قدر الله سبحانه كذا يصير ونفترق


صديقتي الثانيه هاذي غاليه على قلبي لاكنها من شكيت لها همومي واحزاني تغيرت وصارت تتهرب مني بعد شهور
تتهرب قسم بالله كاني اباكلها نفذت بجلدها عني بدون مقدمات
حتى ماانطقت باي كلمه لي لو انها مثلا طفشت مني او اني ولاشس بالنسبه لها
او ان الاقنعه تنكشف مع الازمات الله اعلم !!!


تركتني وسط ذهول الكل وكل الاقارب مستغربين الي صار !


شيء فضيعع بالنسبه لي وانا ماكان مني الا اني انسحب من حياتها باسرع مايكون لان كرامتي ماتسمح ابدا اصاحبها وهي ماتبغاني


ولاحضت الانظار علي كان الناس بنظراتهم يسالوني..ليه تركتك!
وانا انغبنت لان كل الي صار بيكون سبب انهم يشكون فيني ب اشياء هي ماهي فيني
ادري انهم اذا اساءو الظن فيني باخذ حسناتهم وهم الخسرانين بس اتكلم عن لما اكون ماسويت شي وتنفر مني صديقتي كذا بدون اي سبب ؟
راح اكون عرضه لشكوك الناس وشماتةة الاعداء وهاذذا الشي يتعب نفسيتي زياده على التعب الي فيني
طبيععي بيشكون لان صديقتين تركوني وراحوا عني اش تتوقعين يقولون عني
بيقولوون هاذي ماتتصادق او انهم شافوا شي خلاهم ينفرون مني يعني انا الي يطلع الغلطاننه حتى لو ماني غلطانه عليهم بشيء




خاصه اني لاحضت ان الناس تستحقرني جدا بدون اي سبب يذكر
فما بالك لما يشوفون صديقاتي يتركوني !!!!!!!!
هاذا والله شب متعبني نفسيااااا يابنات لاتقولون طنشيهم تكفون حسوا فيني
مريضه وتعبانه وحالتي حاله وفوق هاذا صديقاتي تخلوا باصعب الاوقات الي انا فيها والناس تسلطت علي بدون سبب بس لان الله ابتلاني بالمرض
وفوق هاذا شكوكهم فيني ونفورهم مني تخيلوا ان بعد اسابيع من لما تخلت اخر صديقه


وانا كنت لوحدي اجلس جاتني وحده من قريباتي وصار بيننا علاقه سطحيه المهم ان بس سوالف مع الايام صارت تراسلني واتس وتسولف لي وتضحك وتمزح ح فرحت والله حسيت ان ربي مسخرها باصعب الاوقات بالاوقات الي فيها تخلوا الاصدقاء


ومع العلم هي طبعها تمشي مع فلانه وعلانه هي كذا ماتجلس طول الوقت لما نجتمع تجالس واحده وتاخذ وتعطي معها وتسولف شوي وتقوم يعني احسهاا مره اجتماعيه بزيادهه وفيها طبعع انها لما تجلس معاك وتمل تقوم كذا من عندك وتروح تلعب مع طفل مثلا او تجلس عند وحده ماقد شافتها من فتره يعني شوي طبعها يضايق وهي ماتحس بهالشي تحسب انه شي عادي عرفتوا
كتبت كذا عشان تكونون بالصوره


مرت شهور وانا انحط بمواقف صعبه ومحرجه وتكسرني بسبب المرض
وطبعا مابين شفقه الناس ونظراتهم وشكوكهم الي ماتخلص ولاحضت الي يستحقر بعد


بعد شهور من معرفتي بها صارت ماعد ترسل ومومشكله هي حره وعلاقتنا صح انها شوي قوت مع الايام بس براحتها
وارسلها انا احيان نسولف وكذا


بس بعدين لاحضت انها بدت تتغير!!
كيف تغيرت !!
انا اقولكم
زي مثلا الحين اجتمعنا اول مااجلس عندها عشان نسولف ونضحك تصير كنها صنم ولما اتكلم ترد بكلمه كلمتين وتسكت !! وانا في داخلي مستغربه من رده فعلها ولا تخيلوا مسرع ماتقوم من عندي !!!!!!! سلامات عسى ماشر
صح طبعها انها اجتماعيه وماتجلس بمكان واحد لاكن ليه تعاملني كذا ليه شافتني جيت عندها ابغا اسولف وتقوم ع الاقل شوي ناخذ ونعطي
كنت اقول ممكن لسبب ماعرفته
لاكن والله ي بنات زي ماهي هي كذا ماتغيرت مسرع ماتطفش مني رغم اني اسولف معها ونضحك بس ماااترتاح شوي ولاهي قامت
احيان اقول طبعها كذا ماعليك ي بنت
لاكن لما اشوفها تعالمني ببرود ومسرع ماتقوم يوم اجلس عندها استغرب !


بالمقابل تخيلوا لما اشوفها كذا تعالمني اسحب عليها واجلس في جمعة الحريم واسولف معهم بعدين ولاهي جايه تقولي ليش انتي هنا انا ادور عليك! سبحان الله تو تبغيني يوم شفتيني مستغنيه عنك وطنشتك


ومره كمان من اول الجمعه جلست مع الحريم وتجي تجلس عندهم وتناديني اجي اجلس عندها وشوي.بس ولاهي فحطت عني
اي شي اي شي تشوفه قدامها تروح ﻻ وتتركني من اول مانجلس
احيان تقلي تعالي اجلسي عندي وشوي وتقول يلا نروح عند البنات الي هم شلتها قلت اوك لما اروح هنا تضيعني ههههههههههههه تقوم تلعب مثلا مع ولد اخوها وتخرج من الباب زي انها تصريفه ×_×




المهم غريبه هالبنت غريبه صح انها زي ماقلت اجتماعيه وماتجلس بماكان واحد
لاكن مو تعاملني لهدرجه اذا طنشتها وسحبت طردتني واذا جيت عندها صرفتني ولا تجلس كنها صنم وتقوم !
مره ماعندها ذوق الله يصلحها
والله يابنات صح اني اخذ بخاطري بس دايم اقول ممكن لان كذا طبعها بس ليه نظره الاستحقار الي اشوفها منها ليه تسحب علي بثواني من اجلس عندها اذا نادتني ليه تصرفني كل مره معقول لان كذا طبعها يابنات او في شي مو فاهمته


ااقسم بالله بنات كل هاذا يصير قدام الناس !!
والكل بس يناظرنا !!
تتوقعون بيقولون الغلط منها ولامني انا الس صديقتين قبلها سحبوا علي !!
بنات ةربي شي يضايق صرت كل مامشيت بمكان
او جلست اشوف نظرات الناس لي كانهم يبون يشوفون وين اروح احد معاي ؟ يبون يكتشفون ايش الي خلا هالبنات يتخلون عني هل هو العيب فيني ولا فيهم
وشتتوقعون يقولون اذذا هم نفسهم مستحقريني ويناظروني نظرات شفقه ورحمه


للاسف بنات اخر مره حصل موقف مع هالبنت خلاني اتاكد فعلا انها تستحقرني وانه مو بس طبعها كذا
احسها صارت تناظرني باستحقار نفس الناس رغم اني اطنشهم ولا اعطيهم اهميه بس بابنهايه انا آدميه..وأحسسس ..والي صار بيفتح باب لشكوكهم فيني وبالتالي يزيد استحقارهم لي وسخرية بعض الناس تزيد نظراتهم الي تتعبني نفسيا زياده على تعبي


اخر مره حصل موقف ووندمت اني جيت لها بس تدورن ليش جيتها لان اخر مره انا سحبت وجلست مع الحريم وجتني تقلي ليش جلستي هنا اشبك زي انهها حاطه انه انا الي تاركتها !!!! وانا ماسحبت عليها الا لما عاملتني ب استحقار !!
صارت تسوي حركات قدام الناس تحط ان الغلط مني انا وهي الي تغلط علي وتجبرني اسحب عليها !!!!!!! يالله ناس مدري وش اسميهم حسبي الله وكفى


اخر موقف قلت بجلس معها بما انها تبغاني اجلس وكان بعزيمه ثانيه


تخيلوا جيت لها سلمت عليها وهي كانت تضيط بنفسها عند المرايه ولما خلصت شغل قلت هي نجلس هنا ونسولف اااشر ع الصاله
قالت يلا جلسنا بديت اقولها سالفه مضحكه حصلت بيننا انا واخواني والله يابنات تسلك لي!! عزت علي نفسي قسم بالله اقول لنفسي انا اش الي يخليني اصاحبها بالله دامها كذا معاي !!
بعدين وربي يلا خلصت السالفه انا شفتها ماش ماودها تكمل الجلسه قلت وين البنات اقصد شلتهابغا نروح لهم ممكن هناك نستانس


لما رحنا لهم اقسم بالله ثواني ولاهي قامت من عندي جلست عند بنت قبالنا !!!!!!!
تخيلوا انا اناظرها واشوف نظرات الناس ونظرات شلتها كانهم يسالوني ليش سحبت علي !
حتى اعدائي كانوا موجودين وقتها اااخخخخ تخيلوا مبسوطين ويبتسمون!!
حتى صديقتي الي سحبت علي بدون سابق انذار كانت موجوده وتنظار زيها زي الناس مانها ماتعرفني !!


بنات بموت من القهر وصلت لوضع لايطااااق مع الناس ومع صديقاتي ومع صاحبتي هاذي


سويت نفسي اني مشغوله بالجوال شوي بعدين قررت اكلمها قلت لها فلانه اشبك سحبتي علي وبضحكه قلتها كذا قدامهم
قالت بالله شوي شوي يعني شوي وبجي
انتظرت حسيتها مو ميشاني
قمت ومريت من عندها عشان اقولها انا بروح الصاله خلاص تخيلوا بنات من وصلت عندها وانا امشي سوت نفسها ماشافتني قسم بالله !!!!!!!!!
بس انا كلمت لها ومشيت مشيت وانا ضايقه فيني الدنيا
لاتحسبون ان شلتها يسولفون معاي لا والله انا قبل..كلمتهم عشان اتونس معاهم لاكن بس يردون بكلمه ومسرع ما يرجعون لسوالفهم هم بنتين ومره صديقات الروح بالروح عشان كذا يصرفوني بثواني عشان يكملون سوالفهم


وباقي الناس انا مالي نفس اسولف معهم لما اشوفهم يناظروني بشفقه ورحمه < بتقولون ليش ماعرفت ممكن لان ابتلاني الله بالمرض وتركت دراستي ولا اول ماكنت اشوف كل هالنظرات قبل لاا ابتلى والحمدلله على كل حال


المهم انه الناس تسلطوا بنظرات باستحقارهم وياما كلام وصلني
كل جمعه عشاء او عزيمه اتضايق اغلب الوقت من الناس ومن الصديقات ومن الصاحبه الي اخرر مره كانت معاي زي العسل وبانا على حقيقتها بالنهايه




تقولون ليه احضر من الاساس دام ماستانس بقول لكم هاذا شي مستحيل عند امي
خلاص يكفي ان احنا بطلنا زيارات نبطل حضوى جمعات العشاء بعد!
ليت امي توافق اجلس بالبيت والله يابنات صرت اكره الجمعات كنت اقول ماعليك ي بنت المهم انفس عن نفسي شوي ووممكن خيره
بس للاسف اروح عشان اتضايق بس ومااستفيد ونادر ارجع مبسوطه او مااحد اذاني


بتقولون ليه ماتاذين الي ياذوك الي شمتوا وسخروا مني رديت عليهم والي سحبوا علي عزيت نفسي وسحبت نفسي من حياتهم
بس الاحظ كل الاذى مستمر مستمر وكانهم متفقين.علي
اقسم بالله اني احيان ابكي حرام ليه الناس بهالقسوه
يعني مايكفي اني ب امراض وهموم وفقدت اشياء وايد كثيره بسبب وضعي
يجون الناس يزيدون الطين بله
بدال نايكونون لطيفين يقسون !
بس واش اقول غير حسبي الله ونعم الوكيل وكفة


هاذي فضفضه حبيباتي واتمنى من الحكيمات يعلموني اشلون اتعامل مع الناس
واشلون اتعامل مع الي تخلوا عني قدام الناس بحيث ماا الفت اناظرهم واشمت الاعداء فيني خاصه صاحبتي الاخيره صرت اقول لنفسي لو اسحب عليها واريح دماغي
بس ارجع احيان ارتاجع واقول ماعليك ونسي نفسك ان جتك ياخلا ومرحبا وان راحت مع السلامه وخلي علاقتك فيها جدا سطحيه بحيث اني اونس نفسي ومنها ماالفت انظار الناس ويزيد تسطلهم علي ومنها مااشوف شماتةة الاعداء


.
.