الحكيمات تفضلووا الموضوع محير وماله حل؟؟؟

السلام عليكم ورحمه الله وبركاته

اخواتي الغاليات ابغى منكم الراي السديد اللي يحل مشكلتنا انا ترردددت بطرح الموضوع بس لما شفت

الوضع عندنا تكهرب قلت مالي غير خواتي يساعدوني

الموضوع اخووي ومرته طبعا مرته تصير بنت عمي من اول ماتزوجت وهي مشاكل مع اخوي مناقر

ومعاند وسيطرة وكل منهم يعاند الثاني ويحاول يقهره طبعا راحت بيت ابووها بعدين ابووي راح وحل

المشكله ورجعوا لبعض الحين لها سنه ونص راجعه قبل العيد بشهر وشوي يقول اجي من الدوام هلكان

اطلب غدا ولاعشاء تقعد تصارخ علي وتنافخ كاني اشحدها وسكتت عنها وقلت فترة وتعدي بعدين اطلب

منها قهوة تقولي انت ماتستاهل احد يسويلك وبالعيد ماعايدته جاء بيعايدها قعدت تصارخ وتلعن فيه

وبالسوق وداها لماتقضي ملابس العيد تصارخ عليه لدرجه الناس قعدت تتفرج المهم راحت بيت اهلها

من يوم العيد ومارجعت وراح لهم ابوي قبل فترة وتفاهم معاها وقالت انا اتكلم بدون شعور والحق ع

ولدك مايتفاهم معي وانكرت كل اللي سوته ووافقت ترجع بعد اسبوعين وكل هدا صار واخوي مايدري

ان ابوي راح واخوووي مصمم انها ماترجع لانه كلم ابوها يوم العيد وقاله مالك حرمه عندي وورقتها

تجيني

ابوي يقول ليش انت بتفضحنا وانا عطيت الناس كلمه و اخوي يقول ليش انا مالي كرامه و بكل

المشكلتين انت تدخل وتحل

وانا مالي راي ويصير الخطا كله مني علما احنا وامي ماتكلمناو لاقلنا شي لاننا مانبي يصير طلاق

نبي حل


الموضوع طويل وابغى تكفوون حل؟؟؟

للمعلوميه بنت عمي امها مرة قويه وعمي مايتكلم الا بكلامها

وهي اللي تحرك عيالها وبناتها ومسيطره وعندها اهم شي تكون الحرمه قويه ع زوجها