الحكيمات ضروري ابي حل ماعليكم امر

السلام عليكم ورحمة الله وبركاته


اخواتي انا في هم مايعلم فيه الا رب العالمين لذلك ابي استشيركم في هالموضوع وابي راي حكيم
اليوم ع الغدا طلعنا انا وزوجي ورجال خواتي مع بعض بالحديقه نتغدى المهم انبسطنا الحمدلله
وقت ركوبي السياره انا وزوجي كلمني عن زوج اختي ان حيل مكتوم ومتغير وجهه وهذي اختي علاقتي معها قويه خصوصا ان اهي اكبر مني بسنه فقط لذلك اسرارنا وهمنا واحد المهم زوجها الصراحه طيب حنون يضرب به المثل مب مقصر عليها وهي ماشاء الله طيبه تحب الكشخه وعليها جمال يبهر الحمدلله نجي للمشكله
تكلم زوج اختي لزوجي وزوج اختي الثانيه ان حيل اختي متعبته وحيل تغيرت وصارت عنيده وماتبي تمشي الا الل براسها وان تعب حيل وياها بدون فايده ودايم تسرف وتبي كل شيء كشخه وان تقوله مثلا استغفر الله ع مافهمت ان ماتبي يضل بجيبه الفلوس مشان ماياخذ عليها مراه ويقول قال لها الل بياخذ حتى لو مامعه بيدور الفلس مشان يتزوج لكن هو مايبي وان من يجي من عمله وهي ع الجوال لان دوامه شهر اجازه وشهر دوام مب هنا
وقال خلاص تعب حيل مايتحمل ودايم تزعل وان بيكلم اخوي يتفاهم معها واذا مفيه فايده بيوديها بيت اهلي خلاص لان تعب
انا انصدمت لان طبيعته اهو يكتم مايتكلم بس يقول زوجي لان حيل تعب ماتحمل تكلم واصر علي اني مانطق قلت له مستحيل ادمر بيتها واتكلم لاني عارفه انها بتتخانق معه وبتكبر المشاكل
انا ماتحملت يوم سمعت وضعهم جلست افكر قلت ان سكت بحس اني عادي معي وبظلمها لازم احد ينبهها قبل لاتوصل مشاكلهم لاخواني
ماتحملت والله من ورى زوجي استغفرك ربي الله يسامحني اذا هالشيء غلط تكلمت مع اختي الاكبر منا اهي قريبه من عمرنا وماشاء الله اختي هذي لو بتسولف معها بطريق غير مباشر راح تاخذ بكلامها لان تعرف ان عقلاني قلت ابي خطه شيء شلون اخليها تبدا لها الموضوع وان تحاول معها ان تعدل نفسها والله معورني قلبي حيل توترت لان مابيها تعرف ان زوجها متكلم والصراحه انا ماسمعت منها بس اسمعها تقولي تصير بينا مشاكل واطنش وان تبي ترتب هديه لزوجها علموني شوروا علي قبل لايخرب بيتها والله ماتروح عن بالي انا واختي حتى زوجي طول اليوم كئيب ويكلمني من طرف خشمه