شكرا لكم وحده وحده ما تتخيلون قد ايش كلامكم ريحني

طبعا بعضكم فاهم اني الى الآن في بيت اهلي لا انا في بيتي

ثانيا من قالكم اني ما صبرت وحاولت اكتم وما ابين شي بس بصراحه طفح الكيل والله يلوم اللي يلومني

بعدين كم مره اقوله لما اكون عند اهلي مثلا فتره اجازه وانا عندهم اقوله لا تسوي مشكله لان يبين علي وما اعرف اكتم
والله والله كم مره شاهقت من الصيااااااااااح محد درى عني وانا في بيتهم بس اكيد يكفشوني واخرتها المره الاخيره امي واختي مسكوني وقلت لهم

طبعا حاولت معه باللين قبل وجربت اني اسلك له مثلا اقول ايه والله معليش ابوي ما رد عليك ادري انه غلط ومن هالكلام
يعني اجاريه بس ما يفيييييييد يجلس يهوش لين ينفقع قلبي

الشي الثاني اصلا مالي وجه اقول لاهلي اعزموه سووا له خلاص ليه هو ما يتنازل خلاص يعني هم ما ضروه يعني والله
اهلي ما شرطوا عليه شي باول الزواج بس هو يقارن بابوه لان ابوه على كلامه بين فتره وفتره ينادي رجال بناته يطلعون استراحه
او مثلا يهديهم ثلاجه او اي شي للبيت طيب اهلي مو كذا مو من طبعهم النسيب بيجي الله يحيه مو جاي بسلامته

والله اغلب بنات عمي ازواجهم يجون بدون عزيمه بس هو يقول انا غييييييييييييير ما ادري على ايش بس

عموما انا هاليومين كارهته وكارهه اهله الله يصبرني بس

الله يصبرك ويعينك
ويصلح حالك
وبعدين فهميه ان اهلك واهله واحد
مافيه فرق
مثل مانتي تقدرين اهله
وتعزينهم بالمقابل هو يبادل اهلك نفس الشعور
مافيه بين الاهل رسميات
00000000000

والله انا مع حره على كف صقار

زوجك مو حاس بتقدير اهلك له
و انتي بعيده عنه و سبتيه و انخرطتي باهلك
نصيحه من مجربه لنفس وضعك حملي زوجك مسؤولياتك
كاااااامله حتى لو تأخرت اجابتها لا تدوري لها عند اهلك خلي
زوجك يشيل مسؤوليتك و ما اقدر اقول شي بعد كلام حره عين العقل

الله يعينك ويسخره لك

اولا الطلاق شيليه من راااسك نهائي

وشكلك نفسيتك تعبانه من الحمل والعمل والبيت

زوجك يبيك تحتوينه وتهتمين فيه اكثر وماتحسسينه انك مستقله عنه وانك قايمه بحياتك بدونه

ترا الرجال مثل الاطفال صدقيني بكلمتين وشوية صبر تكسبينه

حسسيه انه الكل بالكل وانك ماتستغنين عنه

مع الصبر كل شي يهون

واهلك حاولي تقربين بينهم وبين زوجك واذا ماقدرتي الشكوى لله

بس اطلبي منه مايجيب طاريهم بسؤ ..

زوجك باين ان فيه خير بدليل لما كنتوا بالغربه تقولين كان كويس معك

دوري مفاتيحه وحاوي تدخلين عليه من نقطة ضعفه

ومااوصيك العلاقه الخاصه اهم رابط بين الزوجين

اهتمي فيها واشبعييييه

موفقه حبيبتي

انتبهي انت في وضع خطير
مومعناته توظفتي يعني استغنيتي عن زوجك شوفي الخواجه في الافلام وعلى قوله خبير طلع في قناه اقراء يقول المراه العربيه اذاتوظفت استغنت عن زوجها ورفعت خشمها عليه بينما المراه الغربيه تتمسك في زوجها او صديقهامع انه مايصرف عليها لكل واحد دخله الخاص فيه ومع ذلك تتصرف معاه بكل رومانسيه وحب لكي تشبع عاطفته منه
ورضازوجك في الاسلام اهم من رضا اهلك واهلك على عينك وراسك لكن زوجك محتاج تقدير منك واهتمام من اهلك احسه فاقد الاهتمام والتقدير من ناحيه اهله واهلك والله اعلم