الحكيمات والى مر عليها مثل قصتي لاتبخل علي

السلام عليكم ورحمة الله وبركاته
يسعد مساكم بنات
عندي موضوع وودي اتناقش معاكم فيه
جد انا مستغربه ليه الناس صارت تظلم بهالسهوله ، مصدوومه من اختي الى انقلبت علي فجاة وصارت عدوه بالبدايه تاثرت بس بعدين قلت بالطقاق المشكله فيها مو فيني وعشت حياتي لكن الصدمه الاكبر طلعت حيه تبي تقلب امي علي خيير امي وش دخلها الى يقهر اني مااتعامل معاها هي والجدار واحد معتبرتها ميته ولا لها وجود بس هي مو راضيه تخليني بحالي بوجودي سااكته ماتسوي شي بس من وراي تمسك امي وحش فيني مطلعتني بالشينه وامي مصدقتها وهي بنضر امي البنت الى ماشاء الله
الى يغبن هذا اسلوبها من سنين ومن وراي وانا ياعافلين لكم الله على نياتي انا مقهوره لييه تبي تكره امي فيني ايش تستفييد ايش الانجاز الى تحس فيه يوم تسوي كذا
دايما تمسك امي وتحش فيني وباسلوبها امي تشوف ان كلامها صح تدخل على امي من شغل البيت وتقعد تتشكى يايمه انتي شايفه انا الى اكرف بالبيت واشتغل وهي بس تنام او ع الجوال وامي ع نياتها تصدقها وهي لها اسلوب بالكلام تخلي امي تصدق وانا امي مالومها على نياتها انا شغل البيت مااسويه الا بالليل والناس نايمه ولا اتكلم اقول سويت سويت وهي عكسي ماتشتغل الا قدام امي وفوق هذا تعطي امي تقرير بالي سوته وهالشي يخيلي امي تصدقها
جد جد انا مقهوره لان احس بدت تصير فجوه بيني وبين امي بسببها ودي اعرف ليه تسوي كذا
ادري موضوعي طويل بس مافيه احد اقوله غيركم موضوع مثل هذا ماودي اقوله لاحد يعرفني 💔