الحكيمات وبس -استشارة-

السلام عليكم ورحمةالله
ودي وحدة تحط نفسها مكاني ثم تجاوب ابي وحدة تحس بالي حاسة فيه
انا تأخرت بالزواج ولله الحمد الزواج بالنسبةلي مو مصدرالسعادة عمري33 او34
كشكل وجسم احمدربي وشكلي مايعطي عمري ابدا
تقدم لي مطلق عنده طفلين ،المشكلة اني مو راغبة ارتبط بشخص عنده اطفال لأن أكيد هم رقم1بحياته
ع قولتهم اناالطالعةوهم الداخلين
اكره لماتقول امي انت كبرتي تحسسني اني خلاص احمدربي عليه حتى انهاتقولي شوفي فلانة (مطلقة)و منك
وعمرأجمل منك عمرها 28 رضت بفلان عنده ولدين ، قلت لهااناموزيها انابكر
المشكلة ان سبب رغبتي بشخص مثل ماابي كلام امي لي من اول ماتخرجت من الجامعة وهي تعطيني إيحاء أني
كبرت وصدقتها وكنت اتحسرعلى نفسي لحد ماندمت على حسرتي الي حرقت علي احلى ايامي بديت استقل وانضج
تجاه مفهومي للزواج كانت رغبتي فيه سابقا للفكة لكن خلاص تغيرت فكلام امي لي يخليني اطمح بزوج يشرفنيعندهم احس اني ودي اقولها شفتي كنت تعيريني بعدم زواجي وتقولين كبرتي خلاص لازم ارضى باي احد لكن شوفي ربي
عوضني بصاحب خلق ودين ونسب ومال احس فيني حرة ماارتاح الا اذا صار الي ابي
الشي الثاني لي قريبة تزوجت من ولدعائلة معروفة وصاحب مال وسوت معي تصرفات ضايقتني وماودي اكون اقل منها يعني اقول في نفسي فلانة الي تنمص وتوصل شعرها ربي عطاها الي تبي فأنا ربي مومخيبني
نفس الشي ودي اقدر اطالع فيها يوم زواجي بثقة ان مالهاحق تغتر علي وربي نصرني لأني اتحيسب عليها بسبب
تصرفاتها
ايضا واناعمري 27 ضيعت على نفسي فرصةالابتعاث مع اخوي لاني خفت محد يرضى بوحدةسافرت برا والحين اعض
اصابع الندم اني ضيعت على نفسي الماستروكلها كم سنة وصارعادي البنت تروح تدرس وماودي بعد اكون بعد صبري
مايجيني الرجل الي ابي
في كل مرةكنت اسمع فيهاكلمة اذى من قريب او بعيد كنت اصبر على الجرح وماارتاح الا بدعائي ان ربي يرزقني الي
ابي فأحس اني مااقدر اتخلى عن هالشي وهالحلم اتخيلهم وهم يقولون في مجلس فلانة تملكت تنط وحدة تقول مطلق؟
وتقولها الثانية :ىقولون مطلق وعنده عيال ، ثم يتبادلون غمزات ان بعد هي كبيرة
وبعد اقول هذي فلانة وصلت الاربعين مطلقةوعندهااطفال واخذت واحدمثلهاوانابكر ان شاءالله الفرص قدامي
لاعفافي ولاخلقي ولاشكلي يشفعون قدام هذاالرقم ؟
هل حلمي بواحد مااقول غني بل ماديته كويسة وصاحب خلق ودين ونسب صعب بالنسبةللي بوضعي؟
الكل يقول الكبيرة فرصهاقليلة لكن مافيه احصائيةولاننسى ان المتحكم بالشاب امه واخواته وهذولا يهمهم العمر
اناجالسةاستخيرووالله في حيرةمابين حلمي ولاتنسون ان حلمي بعد صبر موحلم دلع خصوصا ان اخواني واخواتي مستوى ازواجهم عالي بالنسب والمال