بليز أحتاج وحده حكيمه تساعدني مشكلتي مع زوجي والكسل اللي بيدمر حياتنا لأني كذا مره افكر انفصل عنه ملييت وتعبت نفسياً منه
الدوام اموت وانا اصحيه يعصب ويتنرفز ويسبني ويلعن ويهاوش واحيانا يقط علي الموبايل ولا الساعه ولا اي شي قدامه واحيان يقفل الغرفه ويكمل نومه المشكله دوامه حساس والتأخير ابد مو مسموح وزوجي يتأخر بالساعات مو دقايق ولا ساعه ولا ساعتين اذا ماصك ثلاث اربع ساعات تأخير مايكون مرتاح
ثاني شي اغراض البيت اقعد اطلب منه شهرين ثلاث شهور بدون مبالغه مايجيب يحاول يسكتني بكم غرض من البقاله ويقول الباقي بكره وبكره يصير بعده وبعده يصير بعد وعلى هالحال
لمبات البيت كلها اغلبها خربان لي اكثر من سبع شهور وانا ادخل الحمام الله يعزكم مظلم وانا اخاف كثير ادخل الحمام واقوله مايصير كذا حتى أهلي كم مره يجوني والبيت لمباته على هالحال والاغراض ماعندي اغراض والزبايل الله يعزكم يكودها بالحوش وتخيس وتخيس الدنيا ولا همه واذا قلت بطلعهم قال ياويلك تعتبين الباب
المستشفى تفوتني المواعيد السوق ممنوع المطعم ممنوع طفشت منه ابي حل الله يوفق من تساعدني دنيا وآخره شلون اغير زوجي شلون اخليه يجيب الاغراض أول بأول ويهتم بالبيت واللي يخرب فيه وينقص شلون اصحيه لدوامه بسهوله عجزت اعيش هالعيشه
احيان يابنات ادق على اخوي يجيب لي اغراض ولا همه واحيانا المويه تخلص عندي والوضع عادي واحيان ماالقى شي اكله واذا جاء مالقاني طابخه قعد يلعن ويسب واذا تكلمت قال انتي تبطرين على النعمه انتي متعوده على دلع الكويت البيت مليان اجيب الاغراض وتخرب قلت شسوي الخضار غصب تخرب واذا شافني كابتهم بالزباله مسكها علي وهو كذاب مو هامه هالشي هو الكسل دامر حياته
مو بخل ولا فقر الحمدلله
واذا جاب اغراض جاب لي اكياس اكبر حجم من الخضار يقول عشان ماتخلص بسرعه قلت له الخضار تخرب كذا جب شي على قدي انا وياك
الحين كل مااطلب سوى لي مشكله وكبر الموضوع ويقولي انتي نكديه وحنانه ومتكبره على النعمه
واذا صحيته لدوامه يقوم يسب ويلعن واذا خليته ينام ولقى الوقت متأخر حط الحره فيني ويحلف اني ماصحيته واني قاصده عشان يعاقبونه دوامه
اعتقد ان زوجي من النمط الجنوبي واتوقع هالشي عادي بالجنوبيين بليز يازوجات الجنوبيين كيف تعاملون معهم
زوجك باين جنوبي ومتطرف بعد 😂😂
بقولك بعض الشغلات وان شالله تنفع ,,
انتي كيف تصحين زوجك من النوم ؟
يافلان قوم لاتتاخر هيا قوم وصياح ورفع صوت وتقومينه كانك تامريه ؟
اكبر غلط ,,
اندسي جمبه بالفراش واحضنيه وبدلع قوليله حبيبي قووم جهزتلك الفطور والقهوه ودلعيه شوي على اساس يقوم يفطر ,,
بكل دلع وانوثه,,
او مسجيه وابدي من رجلينه ومساج خفيف وحق دلع مو دفاشه,,
واعطيه من ذا الكللام الحلو وشوفي كيف راح يقوم ,,
بالنسبه للاغراض امدحيييه,, الجنوبيين يجيب راسهم المدح ,,
لو جاب خيشه امدحيه
الله يخليك لي ياحياتي ,, الله لايحرمني منك ,, ماتقصر,,
انت كريم يابو فلان ,,
مقاضيك في الخضره غير ماشالله ماتجيب الا الطيب ,,
حتى وانتي تطلبيه اطلبي بدلع وانوثه وكلام حلو ,,
اما شغل الاوامر وجيب وحط والتعصيب مايمشي ابداً,,
اذا مانفذلك طلب مو تناقشين وتصيحين وتعاتبين,,
ابد نزلي راسك وطلعيلك دمعتين وتكلمي بدلع وشوفي النتيجه ,,
طبعاً مع الدعاء ,,
الله يسخره لك يارب ,,