الحكيمات وصاحبات الخبرة يردون علي اسأل الله ان يحرم اجسادكم على النار

السلام عليكم ورحمه الله وبركاته 
الله اكبر الله اكبر لا اله الا الله ...الله اكبر الله اكبر ولله الحمد
صباح الخير والرضى والسعاده 
اخواتي اسعدكم الله انا في حيرة من امري وفي معاناه والله الكل يتوقع اني سعيده لأني احاول ما ابين معاناتي 
تزوجت من 9سنوات تقريبا خطبتني احدى قريباتي لولدها وانا عمري15سنه وجلست فتره الخطوبه والملكه لم يطلب  ان يراني نظرة شرعيه وعلى حد قوله ماكان يريد لأنه مقتتع بأمه تزوجت بعد الخطبه بسنتين لقيت مالقيت من اهله لكن موضوعي زوجي زبده الموضوع اذا طلبت منه نغير جو يماطل واذا طلعنا اخذ امه او احدى اخواته ناقشته قلت لابأس ولكن مرة نذهب لوحدنا وثلاث مرات مع اهلك رفض ..اذا قلت اريد ألسوق قال ماعندي فلوس ..اذا قلت نسافر اخذ امه معنا مع ان زوجها عايش ولديها اولاد غير زوجي   اطلب منه   منذ تزوجت نتغدا او نتعشى في مطعم يرفض ليست المسأله اكل في مطعم بس اريد احس انه يحبني ولا احس بالنقص عن قريناتي اغراض البيت اذا كتبتها له احضر جزء واذا قلت ليش قال ماعندي ...بتقولون وين الاشكاليه يمكن انه بخيل او جاهل او انتي مقصرة اقول لكم مع اهله واصدقاءه العكس تماما حتى المطاعم يذهب معهم لها كريييم مع نفسه الحمد لله انا ملتزمه من بيت محافظ الجمال والشكل لاداعي ان اتكلم عنه ولكنه يقول انا مبسوط وانا احبك اذا قالها احس فقلبي ينزف قهر وألم كيف تحبني وانت منكد حياتي ومبهذلني ومعيشني الفقر اقسم بالله اني امشي مع الناس مكسورة يابنات يانساء ياعاقلات هل هذه التصرفات تثبت انه يحبني الي قاهرني صحيته الساعه 4تماما ليصلي الوتر ويتسحر ضربني في كتفي سكت وجبت السحور عنده في الغرفه وصحيته ضربني في فخذي ضربه مؤلمه جدا فبدون شعور ضربته في كتفه ورفسته برجلي وطلعت ماهي اول مرة يضربني وانا اصحيه للصلوات تفاجأ من رده فعلي وسكت وصحى وطلع ولا حتى تأسف لي ادعو لي اني اكرهه علشان اتطلق وانا مرتاحه عندي 3اطفال