الحكيمات ولي جربوا ......

السلام عليكم بنات عندي مشكله متعبه نفسيتي كثير وخلت فيني وسوسه اول شي يا بنات انا ما اعرف انام لوحدي في البيت يعني اذا زوجي راح وعيالي راحوا المدارس ما اقدر انام احس في شي واذا نمت اشوف ظل يمشي يضيقني ويرفع الفرشه مره شفت بسه تمشي ومره شفت مع احساس ثلاثه تقريبا يشدون رجلي بالقوه وانا اقاوم
والمشكله الثانيه انا وزوجي ما نعرف ننام على نفس السرير اذا انا نمت فوق نام تحت واذا انا نمت تحت نام فوق
لدرجة اني سمعت واحد وانا نايمه يقولي لا تنامين هنا وقال اسمي
صرت ما انام بالغرفه خير شر نفسي كرهتها
المشكله الثانيه اني شاكه في ام زوجي لان كم مره كل ما جت عندي تقول زوجي ما ابي اكل من برا خليها تطبخ عشاء الاقيها تستغل اني بالمطبخ وطالعه من جهة غرفتي وموطيه راسها وانا لما اجي عندها احسها تحط الكاسه لي مخصوص وتطالع فيني وانا اشرب واشوف عيونها علي وانا اشرب مني مرتاحه
الشي الثاني ان ام زوجي هذي انسانه غريبه جدا جدا جدا لدرجه مو طبيعيه من يوم ما تزوجت ولدها وانا اشوف امور تصير عندها في البيت غلط ومو طبيعيه اي انسان عاقل يخاف من الله يرضى فيها
هي ارمله يجي عندها عمال كثير وهي الي تجلس معاهم بنفسها رغم ان عندها عيال رجال بسنب ولحيه وكبار مو صغار خاصه واحد من عمالها شكله يخوف هذا مره متمسكه فيه لدرجه مو طبيعيه تاكل معاه تشرب شاهي وهي جالسه جنبه يدخل معها المطبخ الغرف عادي حتى غرفتها مو هو لحاله بسوهذا اكثر واحد ما تلبس قدامه غير البرقع وفستان احمر وضيق مره جلست معاهم اول ما تزوجت شوي الا وزوجي وامه قالو طالعين قلت حتى انا بطلع غرفتي شوي الا والرجال لحقني ولمس يدي
رحت جري لشقتي فوق ومعي الشغاله انتظرت زوجي قلتله على الي صار قلت يمكن يطردونه ونفتك منه نزل زوجي تهاوش معه شوي وطلع نزلت اشوف امه وش بتسوي لقيتها قاعده مع العامل في الغرفه تقوله حنى غالطانين ان عطينها وجه المفروض ما جلسنها بينا
علشان كذا انا شاكه فيها وفي العامل الي عندها انهم يسون عمل يخلي عيالها ما يشوفون اغلاطها لانها تسهر معه في الحوش يشربون شاي سوا الساعه ثلاثه باليل وشايفتني انا انبه زوجي على اغلاطها قلت يمكن مسويه شي علشان كل ما يشوفني يعصب ويتنرفز ودايم يخالف كلامي
امه يوم انا تزوجت ما كانت كبيره لانها متزوجه بدري مره ونحيفه وطولها زين
للاسف انا تروح تحفيظ قران لها ست سنين بس سبحان الله الدين مو بس مظهر قدام الناس
انا الحمد لله طلعت من عندها من بيتها بس شكلها تيجي تلهيني بالطبخ وتروح ترش بالغرفه لان هذي الغرفه هي الغرفه ما ارتاح فيها مره مره حتى باقي البيت بس هذي الغرفه مركزه عليها
مره زوجي جا عندهم لقى عامل قاعد يتروش في الغرف الداخليه راح تهاوش معها ومع اخوه واخوه دفه وقاله مالك دخل هذا بيتي لانهم مو من نفس الاب بس من نفس الام بعدها حقدت علي كثير لاني بديت انبه ولدها من حركاتها للاسف
زوجي يوم اخذتي كان يشرب احس ان هي لها دخل بشربه تبغاه مخدر مره راحت شغالتي عندهم تقولي هو واخوه يشربون وامهم ما تقولهم شي ولا شي ساكتها حتى مرت اخوهم ساكته ما حد زعلان مبين ان الام راضيه تقصد تبغاهم غافلين عنها او تبغى تمسك عليهم علشان ما يهددونها المشكله ان عيالها كبار مو صغار