الحكيمات يدخلو ..............للأهمية

سلام بنات 
كيفكم عساكم بخير ان شاء الله ..
ماراح أطول عليكم بحاول اختصر بس ابغاكم تفهموني كيف أتصرف بحكمه وباادب 
بنات انا وأعوذ بالله من كلمة انا متزوجه وزوجي الحمدلله مبسوط هو يشتغل مع ابوه في الشركة اوكي في عندهم موظف حرمته تعرفت علي وصارت تدق وتسأل عني واحتكت فيني كثير وانا عادي أكلمها والله واحترامها عادي بس لاحظت انو مع كثرت المكالمات والاحتكاك صارت تتجرأ علي في الكلام وانا قاعده اسمع واحول والله أني اطنش بس احس انها بعض احيان أقفل السماعه منها وانا متضايقه يعني مثلا تقولي انو زوجها يبغاء زياده في الراتب وتقولي كلمي زوجك عشان يتوسط وانا والله بالفعل كلمة زوجي وزوجي كلم ابوه وقالو ان شاء الله بس ماصار شي يعني لسا مازودوه طيب فاجأت مره تكلمني تقولي أصلنا ان زوجي مكان في الشركة كبيره وهو يقول أنا ماابغاء اسيب الشركة عشان هم ح يخسرو وانو هما قاعدين يفضلو ناس عن ناس ومن هاذا الكلام وشوي تقول نحنا صح على قدنا بس نحنا مانبخل على نفسنا وانو زوجها مايقصر معها وأنها تحب تشتري من الغالي ومن دا الكلام وغيرو كلام كثير المهم انا بصراحه احس في كلام قاعده ترميه علي وصرت اضايق انا والله مااحب اتعال عليه معن زوجي كم مره يقولي لا تكلميها الناس الى كذا لم يلاقو مجال منك يتجروؤ عليكي انا دحين ابغاء اتقنع منها كيف ماني عارفه ابغاء ارجع العلاقه اخليها رسميه مع العلم انها قعدت فتره احتكت مع مرة اخو زوجي وتبين قدامي انو عادي انها تدق عليه مادري ايش قصدها فهموني الله يسعدكم كيف أتعامل معها عشان انا مااحب الأسلوب هاذا وبدأت اضايق من الكلام