الحكيمة تفهمني : الكلمة هذي كبيرة فعلا والا أنا كبرت الموضوع ؟

السلام عليكم ورحمة الله وبركاته : كيف حال بنات حواء ؟
أنا صديقة ريمية واعطتني معرفها الله يجزاها خير عشان اكتب مشكلتي ..
أعرفكم على نفسي : أنا معلمة وعلاقتي طيبة والحمد لله مع الطالبات والمعلمات وأميل للرسمية نوعا ما ، هادية وحساسة مرة ومااحب احتك مع احد والكل يمدح أخلاقي بحمد الله لأني أراعي مشاعر الناس و ما احب أجرح احد حتى لو بالمزح ..
عندنا واحدة من الزميلات تحب المزح دايما ، والله يهديها دايما مزحها عن المنطقة اللي تحت :35:
وفيه نوع من الجفاء بيني وبينها لأنها مرة طلبت مني شغلة تخص المدرسة لكن أنا رفضت أسويها لأني حسيت ان هذي الشغلة فيها خيانة للأمانة العلمية ، ومن يومها احس انها شايلة عليه في نفسها ،
وزوج هذي المعلمة عمله في القرية اللي تسكن فيها قبيلتي <<<< له علاقة بالمشكلة اللي صارت ..

اللي حصل انه قبل يومين راحوا كل المعلمات ولا بقي في الغرفة غير أنا وواحدة ثانية ، وأنا مكتبي في الجنب يعني اللي يدخل ممكن في البداية ماينتبه اني موجودة ، المهم دخلت هذي راعية المزح وقربت من المعلمة اللي معاية في الغرفة وقالت لها : زوجي تأخر لايكون قاعد يشتغل في واحدة ( ..........) وذكرت اسم قبيلتي ، يعني مكان النقط تقدرين تحطين أي قبيلة يعني حطي مثلا xxxxxxxxxxxx........،
( يشتغل ) يعني كلمة قلة أدب ، أنا يوم سمعت هذا الكلام حسيت ضغطي ارتفع وسالتها ايش تقولين قامت عادتها مرة ثانية ، قمت رديت عليها برد قوي لكن مؤدب ، وبعدين مشيت ورحت البيت لكن مانسيت كلمتها وحكيت الموقف لزوجي وحتى هو تضايق لأن الكلمة تمس القبيلة كلها ، وفي الليل ماقدرت انام كل شوي اتذكر كلمتها واحس بنار في صدري ، وقمت كتبت شكوى واعتبرت ان كلامها فيه قذف لبنات القبيلة كلها ، واليوم الثاني أعطيتها المديرة وطلبت منها ترفعها لإدارة التعليم ، وقبل ما اروح للمديرة نادتني المعلمة هذي وحاولت تعتذر مني لكن ماقبلت عذرها وقلت لها الموضوع عند المديرة ......
بعد شوي المديرة نادتها وأنا موجودة ونادت المعلمة الثانية اللي حضرت الموقف ، وسألتها انت قلت كذا ؟ قالت إيوه انا قلته لكن انا قصدي متزوجها يعني وقامت تبكي وتبرر، والمعلمة الثانية قامت تدافع عنها وتقول مو قصدها وماادري إيش ، لكن المديرة جلست تعاتبها وتقول لها كلمتك كبيرة وعيب تنقال ومن هذا الكلام ، وأقنعتني المديرة أسحب الشكوى وأنا اصلا كنت ناويه اسحبها بس كنت ابغاها تتأدب أول شي ، المهم ان الزميلات حسيت من نظراتهم وكلام بعضهم انهم متعاطفين معاها ويقولون اني كبرت الموضوع وانها ماتقصد المعنى السيئ اللي فهمته ...
الحين ابغاكم تحطون انفسكم مكاني وتقولون لي اللي سويته تستحقه والا ظلمتها ؟
على فكرة أنا ان شاء الله ناقلة قريب من المدرسة هذي وما كنت احب تصير لي مشكلة مع احد :44: لكن قدر الله وماشاء فعل ..
وشكرا لكم ولريمية ، على فكرة ريمية تقول لو كانت مكاني كان سوت مثلي واكثر ...