السلام عليكم ورحمة الله وبركاته
اخواتي انا بجد محتاره هل اسكت ولا اكلمها
الموضوع ومافيه انو انا ساكنة بعيد عن اهلي في مدينة ثانيه
وانتو عارفين انو الان اجازه وانا عن نفسي واولادي وبناتي كمان مو من النوع اللي يحبو يسافرو كثير ومبسوطين في
الديرة اللي احنا فيها واختي الكبيرة عندها بنتين تقريبا في سن بنتي وارسلتهم عندي عشان ينبسطوو سوا
ويخرجو ويهيصوا سوا لحد دحين كل شي اوكي
ولانو ظروف اختي او حالتها المادية صعبه شويه فما ارسلت معهم فلوس وانا عادي هذا الشي عندي
وماطلبت منها ولا شي بل بالعكس ارسلتلها فلوس
وبناتها اللي عندي اشتريتلهم ملابس وصرفت عليهم في ملاهي وكل يوم اعطي كل وحده 5 رسال عشان يشتروو من البقاله اللي جنبنا
هذا وانا مفلسة ولاني موظفة وكله من فلوس زوجي
وزوجي بالعكس راضي مايبغى الا الاجر من الله عشانهم ايتام
نسيت اقولكم انو اختهم متزوجه لها 4 شهور وساكنة في نفس مدينتي
المهم اختهم هاذي الله يسلمكم من يوم ماجلسوا اخواتها عندي ولا اتصلت فيهم ولا سالت عنهم
وراحت البنت الصغيره اتصلت في اختها ومن ضمن الكلام اللي قالتووو لاختها المتزوجه انو انا وبناتي وكل اللي في
البيت محد طايقهم ............!! انا انصدمت قلت حرام عليكي كيف محد طايقكم وكل يوم زوجي بكبره ذا بيوديكم
وبيعطيكم وانا كل يوم اسويلكم معجنات ةحلاا واكرف في هالمطبخ اللي من غير مكيف <<< :06: كل هذا وانا بقوله
لنفسي.
واللي زاد الطين بله انها وصلت هرج لامها انو احنا بنعايرهم على اللي صرفناه عليهم فترة جلوسهم عندي
شفتووو كيف البنت طلعت داهيه وهذا لسه عمرها صغير 10 سنين
وانا بصراحه اخاف اختي تزعل مني بسبب كلام بنتها وانا وربي العالم اني برئيه واني ما كلمتهم بالرغم من اني سمعت
الكلام بنفسي ولا وبختها قلت حرام بعيدين عن امهم وايتام
دلوني اش اسوي اكلم اختي وابرئ نفسي عشان لا تزعل مني لانو والله جمايلها كثيييييره عليااا انا وزوجي
طيب اذا سكت ممكن اختي تشيل في نفسها مني؟؟؟
انتظركم
يلزم عليك تسجيل الدخول أولًا لكتابة تعليق.
روحي للبنت الي عندك في البيت واسأليها ليش قلتي كذا ومن الي عايرك او ضيق صدرك بعدين اتصلي على اختك وقولي انا سمعت بنتك تكلم اختها وتقولها كذا وانصدمت من كلامهاروحي للبنت الي عندك في البيت واسأليها ليش قلتي كذا ومن الي عايرك او ضيق صدرك بعدين اتصلي على...
كلام الاخت صحيح لازم تفهمين اختك ان انتي ماقلتي شي عنهم
ولازم تفهمين البنت بعد ان كلامها غلط وحرام
ولازم تفهمين البنت بعد ان كلامها غلط وحرام
مرق هواء
•
شوفي حبيبتي امسكي بنت اختك وطقيها طق لين تقول اتوب ما راح اسويها ثانيامزح امزحححححححححح انتبهي تسوينهاامحق من حكيمه خخخخخ:biggrin2:لازم تكلمي اختك وتفهميها علشان تادب بنتها ولا تعمل كذا ثاني وبنت اختك كمان امسكيها وفهميها بهدؤ وشوفي ليه عملت كذا
لا تكلمين اختك بمكالمتك بتحسسينها انك غلطانة=اسالي البنت بلطف وش اللي مضايقها وعالجي المشكلة ولا يروحو الا هم مبسوطين=والله يعينك رضى الناس غاية لا تدرك
الصفحة الأخيرة
بعدين اتصلي على اختك وقولي انا سمعت بنتك تكلم اختها وتقولها كذا
وانصدمت من كلامها