الحكيمه تساعدني قبل يصير لعقلي شي

لما تسمع كلامك اهديها الشي الي تحبه وفخميها وانتي اميره ومامثلك احد وكافئيها وانفخي راسها امدحيها ارضي غرورها لالبست شي مايناسبها قولي مو حلو ياماما الناس بتضحك عليك فلانه بتطلع احلى منك ومسايسه وها عيت وركبت راسها خيزران بريالين تقضي الازم ولاتقولين نفسيتها خراط كذاب ادلعك يماما اي اعطيك من عيوني بس كلمتي ماتنزل الارض ماما ماتحبيني ايوه ماحب البنت الي تفشل امها وتلبس كنها لحجيه وتزعل امها وطنشيها لين تجي وتتعذر يوم ورا يوم بيطيح الي براسها بعدين مو صغيره وعنادها لانها تعودت بمواقف لين عرفت شخصيتك ونقطه ضعفك مافيه طفل عنيد فيه ام جاهله ترضخ امام نرفزه عيالها

ليش ماتكونين انتي اللي عنيده ؟!
هي صحيح بنتك لكن مو معناتها انها ملكيه خاصه لك تحركينها وفقاً لرغباتك وبرمجتك الخاصه فيك

ماتبي شعرها ظفاير لا تظفرينه اصلن مين يسوي ظفاير الحين ؟

اتركيها تسرح شعرها بكيفها غره او خصل اهم شي ان شعرها مرتب

حتى لبسها خليها تلبس اللي تبي وتختار القطعه اللي تعجبها لا تفرضين عليها رغباتك حتى لو الالوان غير متناسقه

كلميها كأنسانه فاهمه بهدوء ونضج يابنتي انا اشوف ان الالوان غير متناسقه وانتي بكيفك اتركيها هي تراجع نفسها

اتركيها هي تكتشف كل شي وتختار على مزاجها طالما مافي ضرر عليها كيف تبينها تعرف الصح والغلط وانتي تفرضين عليها اللي انتي تشوفينه صح هي عقلها مايستوعب الا بالتجربه .

اما بخصوص انك تطلبين منها شي وماتجيبه ماهي اول ولا اخر وحده وانتي على راسهم تبين بنتك تخدمك فلا تلومينها كأنها مسويه جريمه وانتي جالسه تتصرفين نفس التصرفات وبنتك جالسه تتعلم منك

تعوذي من الشيطان وهدي من حدة اسلوبك وتشنجك بالتعامل معاها

وتذكري انها انسان مثلك وترى تصرفاتك الجافه معاها وعنادك ومحاولاتك فرض سيطرتك عليها بدأت تظهر نتايجه انها مو فاهمه ليش انتي تعاملينها كذا رغم انها ماغلطت بحقك ولا ارتكبت جريمه وجالسه تتعذب وتحس انك ماتحبينها .

تداركي الوضع ولا تضخمين الامور وحاولي ترخين في تعاملك وعامليها كصديقتك وحبيبتك مو كشخص ينفذ اوامر

هذا من دلعك
اكره لا اشوف الطفل المدلل متعب لامه وللناس
عندي بنتي وبنت اختي كانوا زي بنتك بنتي اقرصها مع فخذها لاسوت كذا والحمدلله تحسنت مررره
بنت اختي لا
تجنن امها وتجننا وتخرب الجلسه ببكاها ولا تضربها امها الان البنت لو تقولي لها بعدي شوي زعلت ماتتحمل اي كلمه خرب الدلع شخصيتها

هلا بنات شكرا لردودكم
اللي قلتي اني انا عنيده لاوالله يقلبي بالعكس احيان كثيره اخليها تلبس زي ماتبي بس مايناسب مثلا تلبس شورت اختها ويطلع مرا قصير عليها متعودنا على كيذا عيب حتى لو صغيره فااتعب وانا اقنعها والظفاير مو مثل مو ببالك هههه اقصد حركات من قدام تطلع الطفله مرتبه لاهي مترتبه وحصلت انتقادات لانها مرا الله يصلحها الا تحط روج وطلعت فيه عند جماعتنا

كثير بنتي تخرب جلستي ببكاها مثلا وزعت امي ع الاطفال حلاوه او اي شي الا تصيح تبي حقت فلانه وهي نفسها نفسها بس كيذا وتجلس طول الجلسه تصيح وانا اسايس لين اموت من قهري وتنكد طلعتي كلها وخايفه حيل اختها تصير زيها عنيده الله يصلحها ويهديها