الحكيمه والعاقله ترد على بسرع وقت ..

السلام عليكم
ارجوكم يامشرفات لاتنقلونه ...
والي بتنقل مشكلتي للاستقرام او غير الله يشل يدها ولايسامحها..
مشكلتي ياخواتي مع زوجي من 8 سنوات...المشكله بدت من شهر العسل بس انا في ذاك الوقت كنت ع نيه وماشفتها مشكله لاني طلعت من بيت اهلي ودخلت بيت زوجي بنيه صافيه وقلب طيب وبرغبه متي اني اعيش مع زوجي بسلام ..
المشكله اني بعد سبوع من زواجي زوجي قالي يلا بنروح نزور اهلي ونجلس عندهم في وقتها رحبت بالفكره وفقت لاني اعتبرت اهل زوجي مثل اهلي واني خلاص صرت بنتهم ولازم اتعود عليهم..مدريت اني برجلي رحت لمشكله بتضلي معي لين دحين..طبعا رحت مع زوجي وصلنا لهله رحبو فيني وماقصرو معي وحطوني فوق روسهم وانا بعد احترمتهم ومادخلت عليهم الا بنيه طيبه ..جلسنا عندهم سبوع وانا عروس ..وزي ماتعرفو العروس في اول ايام زواجها..كنت انام في غرفه مع زوجي واذ صحيت اصحى وانا منحرجه وانتو عارفين اش قصد..
المهم بعد شهر العسل سافرت لمدينة عمل زوجي ..وكتب ربي وحملت.. وضلينا ع هالحال كل ماصار عند زوجي اجازه نروح لهله ونجلس عندهم ..واهلي اجلس عندهم سبوع ويضل كاتم ع نفسي وجالس معي وجالس ع اعصابه يبغى الاسبوع يلخص بسرعه ونروح لهله...بحجة انو لازم انزل معه لهله عشان يشوفون عياله..وضلينا ع هالحا سنتين لين ربي ارد ونقلنا لمدينه اهلي ..وسكنت قريب منهم وصار كل اسبوع اروح لهم مره...وصار زوجي كل شهرين ينزلنا عند اهله اسبوع...واذ اخذ اجازه قعدنا عندهم اجازتنا..ومن هنا بديت اتعب وعيالي كبرو وصرت ابغى خصوصيه..وكلمت زوجي وقلت له ابنى لي عند اهلك شقه صغير دام ان صرن ننزل لهم كثير ..قال ماقدر ابني..قلت خلاص انا مقدره وضروفك خلاص انت بعد قدر ضروفي ولاعد تنزلنا لهلك كثير وقت اجازتك نزلنا كم يوم ورجعني بيتي..انا عند اهلك صرت اتعب اخوانك داخلين خارجين وانا ابغى خصوصيه..قال لا متى مانزلت باخذك معي عشان عيالي يشوفن جدانهم..قلت طيب انا ماقلت ماراح انزل معك قلت اذ بتنزلني رجعني بعد كم يوم ماهو تخليني اجازتك كلها ..بغرفه عند اهلك واذ بطلع وبدخل لازم استاذن...قال منتي بشارع ...
المهم اخر نزله نزلنها كانت هالاسبوع وصارت بينا مشاكل مايعلم فيها غير ربي ..وجلست معه 4 ساعات افهمه اني ماني رافضه اهله ولا رافضه نزولي عندهم بس بشرط اذ قلت لك خلاص ابغى ارجع بيتي ترجعني..وهو ابد ماسكه مع اني غلطانه واني ماحب اهله..عجزت معه ..والين شافني تعبت وطحت عليه..اليوم ثاني رجعني بيتي...بس من رجعني وهو مايكلمني ولاياكل معي ..وطول وقته برا البيت...قلت له اذ تبغى تسافر لهلك الله يسهل دربك..قال وانتي معي ..قلت اهلك هم مو اهلي انت الي من حقهم عليك تبر فيهم ..بس البر مو انك تغصبني ع الجلوس في مكان ما ارتاح فيه...مكان اروح له عشان بس عيالي ماينحرمون من جدانهم.. المهم عصب على وقال انتي تحبين المشاكل ..المهم انا قلت له شوف ياولد ناس انا وياك 8 سنوات واحنا في هالمشكله وحلها بيدك وانت موراضي تحلها ..وانا ماراح اسكت اكثر من كذا انا بدخل احد كبير يتفاهم معك ويشيل الغشوه الي ع عيونك ويعلمك اني ماطلبت الا حق من حقوقي ..طلبت راحتي عند اهلك دام انك تنزل لهم كثير وراحتي تبني لي شقه او تستاجر لي ماتخليني اطول عندهم ...قال لو دخلتي احد بينا راح اعرف انك بايعه بيتك وعيالك...وانا طبعا ماراح ادخل احد بينا بس قلت كذا قلت يمكن يفكر ويشوف اني ماغلطت.....
ادري كلامي كثير وعارفه انا سبب هالمشكله لاني من شهر العسل رضيت اجلس عند اهله ..وزي ماقالو زوجك ع ماعودتيه..بس الحين ضروف تغيرت ..وزوجي ماهو راضي يفهم ويقنتع اني بحاجه لشقه عند اهله...
انا ابغى راي وحده عاقله وفاهمه..انا الحين تعبانه منه وافكر اروح لهلي اجلس عندهم لين اهدا .بس مار اح يدرون اش بينا ابغى بس ارتاح....
وبنفس الوقت خايفه اروح ويصير عادي عندو اني تركت البيت.. ويقول اهلها مارحبو فيها وبترجع لي ..
وفعلا اهلي لو درو ماراح يوقفون معي بيقولون زوجك ع حق . اهلي وانا ادرى فيهم..
والحين انا في صراع نفسي ماني قادره اتحمل انو يعاملني كذا عشان طلبت حق من حقوقي ولا ابغى اترك بيتي ..
ارجوكم الي ترد لاتغلط ابغى وحده حكيمه تحط نفسها مكاني...
لاتقولون تحملي ...ماعد اقدر اتحمل نزلتنا لهل زوجي كثرت في سنه انزل لهم اكثر من 8 مرات...وعندي اطفال ويتعبوني اكثر...
ابغى الحكيمه هي الي ترد..