الحلال بين و الحرام بين ......

السلام عليكم ورحمة الله و بركاته
عايزة اعرف هو اللولب حلال ام حرام ؟؟؟؟

طبعا ايام الرسول صلى الله عليه و سلم كان فى العزل و الرسول رد عليهم فى معناه ان لو مقدر روح هتكون سواء عزل او غيره
و دلوقتى ناس كتيرة مركبين لولب عشان مش عايزة تحمل طبعا بعيدا عن ان الحمل ممكن يكون فى خطر على الام او على الجنين دى حاله استثنائيه

لكن لوهنقول انها مركبه لولب عشان مش بتفكر تحمل دلوقتى و عايزة ترتاح وتأحذ نفسها وتربى طفلها و يأخذ حقه من الرعايه و ما ترتبط بطفل تانى......... فهل ده يجوز ؟؟؟؟؟؟
و ان اللولب يعتبر أخذ بالاسباب مش اكثر و اللى ربنا كاتبه هنشوفه و هل اللولب بديل حديث للعزل

انا احترت بصراحه لان فى ناس كتيره سمعت انهم مركبين لولب و حملوا برضوا طيب ده عشان ربنا مقدره و دى رساله ربنا بعتها لها عشان ما تفكر ان قطعه معدنيه تقدر تمنع بها قضاء الله ..و ان ربنا قادر على كل شىء و هو ادرى بحالك و حال طفلك من نفسك

كل واحده بتقول انا عايزة ولد و بنت و كفايه كده رضا و الحمد لله
يعنى انا امى ربنا يخليها لى ما استخدمت اى وسيله كانت تحمل والناس ينصحوها ويقولوا انت مش هتقدرى عليهم و كمان ابوهم يعمل ايه و لا ايه انت كده بتجهديه اكتر لكن امى تقول كل طفل جاى برزقه و الله المستعان فى تربيتهم وتقول ان ايه هو الاسلام .... هو ان اسلم لله رب العالمين يفعل فى ما يشاء هو ارحم بى من اى مخلوق .... ربنا يجعله فى ميزان حسناتها

و دلوقتى يا بنات الواحد يعمل ايه ... اكون زى امى ولا اعمل زى ما الناس بيعملوا واركب اللولب ؟؟؟؟؟؟؟؟