الحلاوة وتبقيعها للوجه..الفتلة وتخشينها للشعر!!أفضل كوافيرة للنزع بالشمع

السلام عليكم ورحمة الله وبركاته
مساكم الله بالنور :41:
حبيباتي أنا في الوقت :time:الضايع ومحتاجة توجيهكم
أول شي أنا مرة أعاني من مشكلة نزع شعر الوجه وكل طرق النزع استخدمتها بس بهدلتلي وجهي، الزبدة:
الحلاوة...........تطلع لي بقع في الوجه بسبب إنه الجلد الرقيق على الوجه يتشال مع الحلاوة ومكانه يبقع (وأنا بشرتي حساسة)
الفتلة............تصيبني بحالة هستيرية وتشنجات أثناء قيام الكوافيرة بنزع الشعر وغير دا ودا كله إنها كثرت الشعر في وجهي وطولته وخلته ثقيل وأسود:06:
أما
الشمع ..........فهو كمان سببلي بقع في الوجه ! لكن أعتقد إنه ممكن يكون ضرره أقل لو اتعمل على يد واحدة شاطرة مره بحيث إنها تعرف متى تحطه (مو وهو حار تلصقه على وجهك الين مايتحرق) وكمان لازم تكون حنونه في النزع.
المطلــــــــــــــــــــــــوب .....
مين تعرف عنوان أو مشغل كوافيرة في الرياض يكون النتف بالشمع عندهم ممتــــــــــــــاز ودقيق ؟
وطبعا لازم يكون مجرب؟
بالاضافة إلى اسم العاملة إلي تسويه بمهارة؟
الله يخليكم عيوني ساعدوني لأني عندي مناسبات كبيرة تبدأ من بكرة ولازم ألحق نفسي بدون ما أعدمها...وإنتو طبعا عارفين الجامعه وشمسها ايش تسوي في البشرة فمني ناقصة بهدلة :44: آسفة على الإطالة
والله يسعدكم دنيا وآخره كلكم بدون استثناء لوسي