كيفكم حبيباتي
هذي طريقتي بالحلاوه التركيه في ناس يسمونها (خبيصه) بس من جد تهبل وتصلح للشتاء وبما ان الشتاء دخل علينا سووها وبتعجبكم عالاخر
اصبع زبده (تقدرين تخففين من الزبده يعني تحطين نص اصبع زبده والباقي زيت بس بالزبده اطعم واحلى بكثييييييير)
واذا ماعندك اصبع زبده حطي 5 ملاعق زبده لأن خمس ملاعق من الزبده تعادل اصبع زبده انا عندي سطل زبده وهذا شكله
وهذي خمس ملاعق زبده
طحين بر انا قست 2 زبديه من هذي الصغيره
ملعقه صغيره هيل
ماء مغلي وبنفس الزبديه اللي قسنا فيها الطحين نقيس سكر يعني زبديه سكر
المويه كاسروله ونص
وهذي صورة الكاسروله
نذوب السكر بالمويه المغليه مع الهيل
تسيحين الزبده
وتحطين فوقها الطحين وتحركينها لما يتحمص
زي كذا هنا بادي يتحمص
وهنا خلاص تحمص بس يارب تكون الصوره واضحه
وصبي المويه المغليه مع الهيل والسكر اللي ذوبناه فيها صبي بالتدريج وحركي عشان مايتجعلك الطحين ويصير فيه كتل بس انتبهي لأنه بيطشطش عليك وحركيه لما تصير ماتلصق بالقدر وتنشال معاك زي كذا واذا حسيتي يبيلها مويه زودي بس ان شاء الله مايحتاج
دقيقه لاحد يرد بليييييييييييييز
وهذا شكلها بعد نص ساعه وكذا تصير جاهزه بإذن الله
بعد كذا قدميها
وهذي صوره ثانيه
وانا احب اشرب القهوه ببياله
جربوها وبتعجبكم وصحه وعافيه على قلوبكم
حسبنا الله سيؤتينا الله من فضله انا الى الله راغبون]e"]