الحلبه حيرتني ايش اسوي

اهلاً اختي ضايقه...مافي شي يستاهل تتضايقين حبيبتي :26:
بالنسبه للحلبه لابد منها اول الايام علشان تردلك الدم اللي فقدتيه وتقوي عظامك..
احسن طريقه لها خلي عندك زمزمية (براد حافظ الحراره)حطي فيها 2 ملعقة حلب مطحون
وملعقه صغيره فلفل اسود وصبي عليه حليب مغلي مع سكر او عسل حسب رغبتك...
خليه ساعه (تطلع فوائد الحلب) وبعدين صبي واشربي بالهنا والعافيه...
طبعاً الافضل انه يكون مع الفطور او قبل النوم...
بعد تقريباً عشرين يوم اقطعيه وابدي بالرشاد لمدة عشر ايام..
وطريقته ملعقه صغيره رشاد مطحون مع ملعقه صغيره عسل يمزج حتى يتكون منه عجينه لينه
ويؤكل مع ماء فاتر..
هذا كل يوم مره الصبح على الريق ومره بالليل..
وخلال العشرين يوم الاخيره انصحك اختي بأن تشربي مشروب قالت عنه اختنا الما 2001 الله يجزاها الجنه
ممتاز جداً في التنظيف وتنشيف المنطقه وهو..
فصين زنجبيل اخضر +فصين قشر رمان جاف قدر مفصل الاصبع+ملعقة شاي اخضر + نعناع اخضر
تحطين الثلاث اشياء الاولى في براد شاي وتصبي عليها مويه مغليه وتغليها دقيقه بسسسسسسسسسس
تسكري عنها وتحطي عليها النعناع الطازج..وحليها شوي سكر اذا تبغين...
كل ماسبق اقوله عن تجربه وان شاء الله بتشوفين اللي يسرك...
بس هاه بعد هالتعب ابيك تدعين لي ترا اديني عورتني وانا اكتب :26: :24:
تحياتي لك ..

جزاك الله خير يا اختي العامريه..وتسلم ايديك انشاءالله.المشكله انه باقي لي ثلاث شهور واولد .والحريم عقدني.كل وحده لها رأي.وكل وحده تعطيك سبب مقنع.وانا تبهدلت حيل في ولادتي الاوليه.وخايفه اتعب بعد بهذي.راح امشي على الكلام اللي قلتيه........ ومره ثانيه جزاك الله الف خير......