والله يا بنات ما ندري شنو الصح ولا شنو الغلط
لكن دايما اخذوها قاعده الشي في الوسط يكون كويس لكن ان زاد عن حده هذا اللي منه ضرر
يعني احنا لما نسوي حلبه للبيبي مو لازم تكون مركزه جدا. و نفس ما الكل يعرف الحلبه مفيده جداا.
اللي كنت اسويه لعيالي هو كالتالي: آخذ ملعقه صغير و اقل بعد و احطها مع نصف لتر من الماء على حسب اشكثر ترموس ( مطارة) الماء الحار اللي عندك للبيبي و تغلينها.
و بعد ما تغلي حطيها بالترموس و عند كل رضعه سوي منها.
و مو شرط كل يوم الحليب تسويه مع الحلبه. ممكن تخليها يوم و ترك او كل يومين على حسب ما تحبي
و سلامتكم يا بنات
ياليت توضحين كيف تركة يوم ثم حطة فى الثلا جة ولدى اعطية حليب السعودية عادى حطة معة الله ياعا فيكى
الصفحة الأخيرة
انا اسويها لعيالي من اول اسبوع من الولاده بس مهوب كل يوم اسويها يوم ورى يوم
وكنت احط ملعقه كبيره من الحلبه في تقريبن ثلاث ارباع الكاس ماء مغلي مررره
وبعدين حطيه في ابريق مخصص للحلبه يكون صغير واتركيه مدة ربع ساعه ولا تخلينه اكثر من كذا عشان مايطلع مر
وبعدين حطيه في الرضعه مع سكر النبات واعطيه البيبي
بس اهم شي لاتخلين الحلبه على النار لانها اذا خليتيها على النار تروح فوائدها
بس نقعيها في المويه المغليه
وكنت احط يوم حلب ويوم منقوع تمر
بس انصحك لاتحطين الحليب مع الحلب لان الحليب تروح منافعه مررره سويه لحاله .