الحلبه والرضيع

انا ودي استخدمهالولدي لانه صدره بلغم ومعاه حساسيه وقالوا مفيده وبنفس الوقت خايفه لانه سمعت انها خطر لليً اقل من سنتين

لا ياقلبي بعدي عنها والله انها تضر الرضع اكثر من انها تنفعهم
ولا تجي وحده وتقول عطيتها اولادي وماصار فيهم شي ولا فلانه عطت وعيالها صحتهم حلوه
ياقلبي الحلبه ضررها عالمدى البعيد
ما تشوفين مرضي الفشل الكلوي والسكر كثروا ومنهم اطفال صغار
قبل تعطين طفلك اي شي فكري بمستقبله وفكري ان اي شي ممكن يحرمه يعيش شبابه بصحه مثل الي بسنه
ودي بنتك لدكتوره واذا قالت ان فعلا وزنها قليل راح تصرف لها حليب لزياده الوزن لو رضعه وحده في اليوم واذا وزنها في المعدل الطبيعي خليها دامها بصحتها ومرتاحه
اطفالكم امانه لا تضيعوهم الله يحفظها لكي 

معليش يا اختي cuute مو معقول الكلام اللي بتقوليه يعني امهاتنا واحنا جربناها وما فينا إلا العافية
وإنتي بتنصحيها تترك الشي الطبيعي وتروح لحليب مصنع؟؟!!

والله يا اختي صاحبة الموضوع انا ولدي كان مررررررررة نحيف يخوف ويحزن الين عمره شهرين واعطيته الحلبة والحمد لله مع الرضاعة الكافية في شهر واحد ما شااااااء الله ..والله صار وزنه ما شاء الله بزيادة..
بس لا تكثري الحلبة يعني خمسة او سبعة حبات بس للرضعة الواحدة.. وكنت احط عليها من حليب الاطفال.. يعني كأني اسوي رضعة عادية بس الموية اغلي شوية منها مع الخمسة حبات من الحلبة ... ورضعتين بس في اليوم وباقي اليوم والليل من صدري..وبعد الشهر لما اتحسن وقفت الرضعة الصناعية بس مرة مرة اعطيه من الحلبة لحالها"خمسة حبات مغلية" علشان المغص
لما تغليها خليها شوية لين يصير لونها اصفر شوية
وبالتوفيق
ولا تنسي دايما لما تخافي على ولدك من شي تبغي تعطيه اياه قولي بسم الله الذي لا يضر مع اسمه شيء في الارض ولا في السماء
اصلا انا صرت اقولها بدل البسملة العادية لأن اغلب الاكل صار يخوف

ممتاز
وممكن مطحونه راس اصباعك بالرضاعه واعطيه اسبوع واتركي فتره وارجعي يعني فتره وفتره

للي يخاف من شي يبحث في الاسباب

الخطا يكون بسبب خطا استخدام
او
كيفيفه
او
كميه

لكن الاصل

الحلبه ممتازه

ولدي مااعطيته شي من خوفي عليه
بشهره الثامن شايله ولد اختي وعشان لايطيح مسكه بقوه شوي وهو بالدرج نازل

انكسر فخذ ولدي

ومن قبلها ولدي مصفر لونه واعطوه علاج حديد يرفع الدم

سببله امساك شديد وارتفع شي بسيط


الحمدلله اعطيته الحلبه حبوب قليل مغليه بماءبعد يبرد اصفيه واسويله الحليب به
وحلبه مطحونه قليل راس الاصبع قليل ذره بالرضاعه او اي شي باكلهياه

الحمدلله والله اسبوع حللت دم له ارتفع من 8 الى 10 ثم بعد فتره الى 11

وبنتي من جبتها اغلي قليل حبوب حلبه بماء قد فنجان القهوه وتنقع واصفيها اعطهياه بالرضاعه يوم ويوم مودايم

الحمدلله صحتها زينه وخصوصا الصفار اللي يجي للبزران راح والمغص


اذا احسنا استخدام اي شي بقدر معقول وكميه مناسبه بينفع مابيضر