الحلقة المفقودة بمشكلتي وموضوعي (للي قالو مشاكلهم ...)

يابنات الله يفرج همومكم يارب وقفتو معي كلكم الله يوفقكم

انا اللي قلت عن قصتي تحت عنوان (للي قالو مشاكلهم شوفو مشكلتي حسبي الله على كل ظالم )

حبايبي انا ابوي زوجني واخذ مهري300الف ريال

اخاف زوجي يطالبني فيها وابوي صرفها على مزاجه
ماشفت منها غير مبلغ صغير جبت فيه شوية ملابس (تقولون لو هو عايش مايرضى !!!!!! )

انا مشكلتي مالها حل ابوي هو السبب في زواجي من الذل الي عشنا فيه انا واهلي وامي الله يخليها لي تزوجت عشان اكون سند لها انا وزوجي كل اللي تقدمو لي عجبتهم وعجبت اهلهم لكن والدي كان طماع زوجي هو الوحيد اللي وافق على هذا المهر ( قال لنفسه اعطيه فلوس يسكت وهذا اللي يبيه ) انا ماكنت دارية ان اهله مايدرون غير لما خطبني وابوي وافق واخذ المهر وشريت الملابس مبسوطة وراح نص المهر عرفت ان اهله على قولته بيدرون بعد فترة والعيال بعد مانعيش حياتنا ولو بغيتي قوليلي واحملي ....... والكارثة بعد ماتزوجت عرفت ان زواجي مسيار !!!! وكان مسيار بكل معنى الكلمة

انا يوم دريت ان اهله مايدرون وكل هذا الكلام لو قلت ما بتزوج كان ابوي غصبني لانه صرف المهر

يعني كنت مغصوبة اسكت
وعمامي وخوالي كانو مبسوطين المعرس كاااااااااش يعني بيسحبون فلوس على كيفهم يوم ماعطيتهم وجه لا انا ولا زوجي عطونا العين الحمرا وبيظلون حاقدين طول العمر وابوي كان زوجي يعطيه فلوس وهو يسكت كيفه زوجي يسوي الي يبيه المهم فيه فلوس !!!!!! الحين ماعندنا غير البيت لو عمامي ماباعوه خوالي مستاجرين احسن مايدفعون اجارات يتركون بيوتهم و يجون يسكنون عندنا ويطلعون عينا تحت سبب ( حريم كيف يجلسون بدون محرم ) يعني استفزاز ولو تزوجت اترك امي مع ذول الوحوش.... لو تزوجت واحد صغير ومب متزوج اكيد مابيرضى اهلي يسكنون معي بياخذله شقة ونجلس فيها انا وهو او نجلس عند اهله او او او لكن مابيخليني اجلس مع اهلي او هم يجون عندي ........... هو حل واحد اتزوج شايب متزوج عنده عيال مسيار يمكن يرضى اهلي يجلسون عندي ونفس المصيبة تتكرر ( انا اموت على امي ومالي غيرها ومالها غيري ) ما اقدر اخليها عند خوالي ادري مابترتاح وادري بيسمعونها كلام ويذلونها وانواع التجريح وممكن عمامي يبيعون البيت وتجلس في بيوتهم دريتو شقصتي

هم حلين الاول
انا كان نفسي زوجي يتعدل حتى لو هو شايب عالقليلة يخليني احمل انا ماعندي عيال لكن قبل لا اشوفهم اموت عليهم بيسوني وامبسط فيهم ويسوي زواجي رسمي كيفه لايجيني اهم شي اني مع امي وعيالي

الثاني
لما يكبرون اخواني وقتها محد يتدخل اخواني مسؤولين عني وعن امي اتطلق واتزوج واحد صغير اعيش معه حياتي بس اخاف هو يطلقني واخواني صغار يمكن يطفش مني ويبي يغير عادي فيه فلوس كل يوم يجيب وحدة او فجاة ربي يقدر ويتوفى زوجي !!!!!!!!


(((((((((( ظلم رجل واحد انه مطنشني وعايشة معاه مؤقت ...... اشوا من ظلم 3 عمامي و2 خوالي وياليت مطنشين لاااااااااااا اهانات وذل وبيدعسونا مافي احد يدافع عني وعن امي )

معلومة ( ابوي كان اشد ظلم منهم كلهم ) اسفة طولت عليكم بس عشان اوضح