عشق القوافي @aashk_alkoafy
عضوة فعالة
الحلقه الاولى من قصه تضحك جنان ادخلوا وشوفوا
السلام عليكم ورحمة الله وبركاته اخباركم بنات اسفه حبايبي تاخرت عليكم لكن جتني ظروف وانشغلت عموما انا عند وعدي واليوم الحلقه الاولى من قصتي حارة وبسم الله نبدا كان فيه بنت روعه بمعنى كلمة روعه اسمها شريفه وهالبنت ماناقصها شي جمال واخلاق ودلع لكن كانت هالبنت عيبها عايلتها كانوا قمه في القراوه ابغى اعرفكم عليهم اول شي نجي للام الحنون وهالمره عليها بطن مو صاحي من كثر بلع الرز والمشكله الثقه العمياء مضيقه ثوبها مرررره من عند البطن قالت ايش قالت اكشخ لشايبي مفلح اااه ياهلمفلح شايب لكن عقله عقل بزر يعني طفقه وحركات مراهقين لا وبعد مجتمع هو وشيبان الحاره ومسوين فريق كوره ومسمينه المنخب على بالهم صدق يلعبون بالمنتخب ويتبارون مع الحواري الثانيه والله حاله ونجي الحين يم الاخت الثانيه لشريفه واسمها نوال وهالبنت ماغيرمقابله دروسها تصم لدرجه انها ماتتكلم ابدا عامي بس كلامها بالعربي الفصحى ولا منها اي فايده بالبيت غير تفكيك الاجهزه الكهربائيه مسويتي فيها عالمه وبقى عندنا القعده الاخو الوحيد لللاسف لشريفه وهو طلال وهو قمه في الخكرنه يعني رخمه مافيه عزوبدا اليوم عندنا اول يوم بالدراسه تعالوا شوفوا اش صار لشريفه .عندنا الحين اول يوم بالدراسه دقت الساعه الفجرتررررررررررررررررررررن وقامت شريفه من النوم :سيبويه ...سيبويه..نوااااال قومي .وسيبويه طبعا عيارة نوال وقامت نوال والحين بدات فترة الكشخه عند شريفه وهي ماشاء الله ملكة جمال بدون لاومعجباتها كثر التراب المهم لبسوا البنات وانزلوا تحت غلشان الباص يجي وكانوا يروحون بباص حكومه .شوي الا جاء الاخ الدخل للبناتن طلال.وسالته شريفه:طلولي الطلي الا على فكره مشرف معاكم هالسنه .وطالع لها طلال نظرة بؤس وقال:اكيد معنا اوووه الله يعينا عليه يبي يستعبدنا عنده كالعاده .وضحكت شريفه وقالت:يالله ترا انتم واجد معطينه اكبر من حجمه .ومشرف واحد عربجي درجه اولى والحين يدرس ثاني ثانوي للمره السابعه وعنده اخو اصغر منه اسمه زياد لكن فرق السماء عن الارض زياد ماشاء الحين موظف ودكتور اما مشرف عربجي وفاشل دراسيا لاوالمشكله زياد يحاول يدخل ويمتحن بدل مشرف لانهم نسخه من بعض لكن مشرف يحلف كالعاده ان عليه الطلاق ماهوبرجال ان دخل مكانه اخوه.الحين شريفه قاعده تعدل شعرها عند المرايه الاتطلع الام لابسه شرشف احمر لونه يفقع العيون تبي تطلع بالشارع .وقامت شريفه تركض وراها:يمه ماما وين رايحه .وتطالع لها امها نظرة تعجب وتقول:وش بلاس كش بنت ابطلع اتقهوى انا وابوس عند باب الشارع نتشمس.قالت شريفه:يمه تمزحين بليز الله يخليك ماما اليوم لاتطلعون كالعاده بالشارع نتسيتي ان اليوم مدرسه والبنات يشوفونكم بعدين يضحكون الله يخليك.وقامت الام ودفت شريفه بقوه وقالت:انقلعي من زينس انت والبنات .وطلعت هي وشايبها بالشرع يقهوون ولا همها احد.وشوي الا جاء الباص عند الباب بيييب بيييييب وتقوم الام تصارخ باعلى صوتها وهي قاعده بالشارع :شريفه شريفه شريفه .وطلعت شريفه هي واختها نوال وركبوا الباص .طبعا مافيه احد من بنات المدرسه يعرف حقيقة شريفه الكشخه وان نوال اختها طبعا بالباص فيه ترتيب ثابت عندنا ورى السواق مباشره تقعد انتصار ولها مسمى اخر بالمدرسه وهو ام الاخبار لان مافيه سالفة اعجاب ولا هوشه ولا اي حاجه الا عند انتصار الخبر لان البنات يستخدمونها كمرسال تنقل الكلام بين البنات وعندنا بالكرسي الاخير اخت مشرف وهي طامه بالمدرسه اسمها مزنه وهي عربجيه رايحه فيها وماغير تدخل مضارب وتطلع من ثانيه يثعني ولد مقعد وكلن يحاول يتحاشاها لاتفشله.نرجع لام طلال قاعده هي ومفلح يتقهووه الا دق الجوال حاطته الاخت اغنية خاينه بس مو لكل الناس وتطالع للجوال ورفعته :هلا وش تبي ياام سعد تعالي حياس الله تعالي وسكرت السماعه وطالع مفلح مسوي فيها رجال وقال:وش تبي ام سعد ناقصيني مشاكل .ومايمديه يخلص كلمته الا الباب يدق :ام طلال طعس التفحيط افتحي انت وهالبطن اللي عليس .وتقوم ام طلال وتفتح الباب :هاه ياام سعد دبلتي كبدي مااقدر استمتع انا ورجلي .وهي تلفت ام سعد بالبيت وتقول :من تقصدين رجلس هالخايس الله يخلف عليس والله لو انه ابوسعد بعد كبدي.وام سعد جارة ام طلال وهي مره طيبه لكن لسانها فالت وهي جارة ام طلال من عشرين سنه,حبايبي ان شاء الله اكمل لكم وباقي عندنما شخصيات وناس لكن اعطوني رايكم بصراحه وابشروا بالخير
4
583
يلزم عليك تسجيل الدخول أولًا لكتابة تعليق.
السلام عليكم ورحمة الله وبركاته
تابعي نحن نتابع وبعدين نقول راينا
الله يوفقنا لما يحب ويرضى
الله يثبتنا على الحق ويثبتنا عند السؤال
الله يسعدنا في الدارين
الله يجمعنا بالفردوس الأعلى ويرضى عنا ويرحمنا
اللهم صل على نبيك وسلم
تابعي نحن نتابع وبعدين نقول راينا
الله يوفقنا لما يحب ويرضى
الله يثبتنا على الحق ويثبتنا عند السؤال
الله يسعدنا في الدارين
الله يجمعنا بالفردوس الأعلى ويرضى عنا ويرحمنا
اللهم صل على نبيك وسلم
الصفحة الأخيرة
تقبلي مروري