السلام عليكم ورحمة الله وبركاته ~
تكلمت الموضوع الي فات عن النظافه الشخصيه ودام فتحنا سيرة النظافه راح نستمر
باذن الله اليوم عن النظافه راح نتكلم عن كل جزء بجسمك وش بتستخدمين
وش الاشياء الي راح تشترينها لتجهيزك بآذن الله طبعا بديت بدري
بالموضوع لأنكم لو بتستنو بتزوجون بنات وانا باقي ماكتبت
مواضيعي من الخبصه الي عندي نقل ومانقل الله يعين :mad: فحبيت اطرحه
عشان افيد اكبر قدر ممكن من عروساتنا الحلوات :smheart:,,
رآح نبدأ بالشعر .
الشعر له تاثير ع الرجل يعني نعومته ولمعانه وكيف تخلينه طول الوقت بشكل مرتب
وبذات بدايه الزواج بشهر العسل لان الشعر يروح فيها مع الاستحمام :rotaeye:
طبعآ انا كنت استخدم قبل ماتزوج زيت السمسم مع الاملج روعه يعطي نعومه
لشعرك لان شعري جاااااااف مره ويعطي مرونه لشعرك ولمعه ويطول الشعر
صراحه حلو مره مره والي شعرها ناعم ماعاد تحتاج تستشوره
لانه بيكون ناعم مره
وكنت استخدم دابر املا لكن مع الزيت الاملج كان احلا ووتركت دابر املا
كنت مستحيل اتحمم الا وانا حاطه ع شعري زيت مستحيل مستحيل
واحيان كنت احط ع شعري باراشوت بجوز الهند
ومو شرط شوفي انتي وش كنتي تستخدمي لشعرك وناسبك
طبعا الصبغه لاتصبغين شعرك الا قبل الزواج بـأسبوع عشان يهدآ اللون
ويكون روعه ولاتقدمي اكثر من اسبوع تصير تنزل الصبغه منك بسرعه
ولاتقصي شعرك عشان تسريحه زواجك لانك تحتجين كل خصله بشعرك
بتسريحتك وبعد الزواج قصي اصلا راح تتغيرين وتسوين تجديد
بعد الزواج لزوجك احلا انا بعد شهر من الزواج قصيت وكان تغيير كلي
نرجع لموضوعنا ~
طبعا الاغراض الي محتاجتها وقت شهر العسل بتجهيزك ماراح تقدرين
تستخدمين زيت بشهر العسل اصلا مايمديك فاحسن حل بذات للي شعورهم
جافه مثلي يستخدمون كريم للشعر زي باراشوت يحطونه 5 دقايق وبعدين
يتروشون واذا تروشتي خذي شامبو مع بلسم البسلم ينعم الشعر انا اخذت
صاانصيلك الوردي شامبو وبلسم مع بعض حلو مره وع فكره الباراشوت
كنت اجعد فيه شعري وكان يطلع حلو وربي حتى زميلاتي يسالوني واستفدت
اني اجعد شعري وكمان اغذيه بالكريم وضربت عصفورين بحجر~> وش عندهآ ميريآم :tongue1:
يعني راح يكون تجهيزك لنظافه شعرك
(كريم باراشوت+شامبو+وبلسم)
ثاني شي راح اتكلم عن البشره :
آولا انا استخدم اشياء كثيره وراح انصحكم بالي كان حلو مره معي
شوفي في منظف بشره اسمه اسكينول بالليمون روعه لتنظيف البشره _الطين المغربي كمان يجنن احبه واعشقه احس بتاثيره ع طول وانا اغسل وجهي –
راح تبدأين بالخطوات التاليه اذا تبغي تنظفي بشرتك وباذن الله تدعولي
وراح احاول تكون مكونات موجوده بالبيت :
1.ابدأي نظفي بشرتك بالمويه واللوكس طبعا استخدم انا البابايا حلوه
2 .بعد ماتخلصين خذي الاسكينول وبقطنه امسحي وجهك راح تشوفين القطنه تغير لونها
3.سوي لك حمام بخار وحطي معاه مويه ورد
4.بعدها خوذي خيار وابشريه وحاولي تخلين مويته كثير اتركيه بصحن وميليه
لين تجي مويه الخيار بمويه الخيار خذيها وحطيها ع الشوفان بيكون لك قناع
الشوفان حطيه ع وجهك وخليه لحد ماينشف اذا نشف ماتقدرين تشدين وجهك
من قوه الشوفان يصير وجهك قاسي بعدها ابداي بالتقشير بحركه دائريه
بتلاحظين ان شعر وجهك بيتنف *ــ* يعني فتله بالمجان خخخخ
5.بعد ماتخلصين القناع وقشرتيه روحي اغسلي ,وجهك بصابونه وبعدها نشفيه
زين وحطي مرطب لوجهك طبعا اانا استخدم اولاي
هذي مره باسبوع او اسبوعين اما بقيه الايام لو تبي تحطي الطين
المغربي حلو مره
هذا بالنسبه للبشره طبعا
~~>>>انا بالزواج اول مره اسوي فتله وكنت خايفه تتطلع لي حبوب
واستودعت الله ورحت سويتها والحمدلله اصلا وجهي مو كثير الشعر
وسويت فتله والحمدلله ماطلع لي حبوب وسويتها قبل الزواج باسبوع
لاني خفت تطلع لي حبوب
بشهر العسل
ماراح تسوين خلطات بتفجعين ابو الشباب
راح تستخدمين اشياء بسيطه وتنظف بشرتك
مثل صابونه البابايا والاسيكنول منظف البشره وغسول الوجه نيتزوجينا
يعني راح يكون تجهيزك لبشرتك بعد الزواج
(غسول نيتروجينا +صابونه بابايا +الاسكينول)
ملاحظه: اذا كنت تعانين من شعر منطقه تحت الانف فانا اشيله باله بروان
روعه وتقعد مده اطول وكمان منطقه الابط .
نمشي ي صبايا لنظافه الفم
الفم اهم شي تكوني مهتمه فيه لان نفسك راح يكون له تاثير على الزوج
قبل الزواج تاكدي من اسنانك الخربان صلحيه ونظفي الجير
وعدلي كل حاجه
وطبعا الفرشاه والمعجون شي مفروغ من امره بالاضافه ان اللبان بريحه
النعناع لان ريحته قويه وتستمر واستخدمت انا اكسترا نعناع الي
تجيك 60 حبه بعلبه كانها علبه علاج واخذت لبان نوفا بالنعناع لاني
احس ريحتة النعناع احلا واقوى وانظف وكمان اخذت شرايح
الفم واخذت بخاخ الفم
ودايم اهتمي يعني اولا ماتقومين من النوم خذي لك بخه من البخاخ
وبعدها روحي غسلي فمك وخذي من العلك او الشرايح خلي ريحه نفسك حلوه
اشياء ثانيه راح تشترينها لتجهيزك بالنظافه.
(فوط للدوره الشهريه – اعواد اذاني-وبودرة فرآنك اوليفر روعه
ريحتها حطيها بعد ماتتحممين على جسمك كله وع الرقبه ريحتها تهبل
صح البودره قديمه لكن تجنن احلا من أي بدوره استخدمتها )
وبس ي صبايا واي شي تحتاجونه انا حاضره بكذا نكون خلصنا نظافتك ي عروستنا :heart:
واسفه لو فوت شي او نسيت شي لاني احاول والله اجمع كل شي استخدمته وحلو
وأخيرآ عندي نصيحه لكل العرايس:icon28:
لاتشيلون هم ترى الرجال ماعندهم دقه مثلنا اهم شي عندهم
النظره الكليه والله مايدققون
انا كنت احسب زوجي لماح لاني اعرفه من زمان وكذا ويوم جيت
والله مايتهم الا بالمنظر الخارجي لاتقولين مسامات وسمار وممدري
ايه ماراح يهتم اهم شي كوني واثقه من نفسك بيشوفك ملكه جمال
اخيرا خلي دعائك بصلاتك
(اللهم اجعلني اجمل النساء بنظره اللهم اجعلني قرة عين له اللهم استر عيوبي عنه واستر
عيوبه عني اللهم استودعتك قلب ونظر زوجي )
دعوآتكم لي بالذريه الصالحه