الحلمه البلاستيكيه

السلام عليج اختي@خوخاية@
انا كنت اعني من نفس مشكلتج وكنت استخدم الحلمة الا في الصورة الرابعة وبخصوص الاسئلة
((وهوكيف استطاعت ان تعود طفلها على صدرها طبيعي مره اخرى؟؟))
الصراحة هو مسكها طبيعي عند الشهر الرابع وانتي حاولي مع بنتج وانا كانت المشكلة مع الطفل الاول طبعا والباقي من عيالي طبيعي.
كانت الحلمة مسطحة وكانت معاناة كنت بعد كل رضعة اغلي الحلمة البلاستيك


((اثرت على اسنان الطفل؟؟))
لا ما اثر الحين ولدي عمره 6سنوات واسنانه مافيها مشكلة
واذا في سؤال انا حاضرة

وعليكم السلام ورحمة الله وبركاته..
اشكرك جزيل الشكر اختي فراوله على الاجابه..
انتي تقولي انه طفلك تركها وعمره اربعه شهور ..هل تركها بشكل عادي ورضع من صدرك بشكل طبيعي ام بالتدريج؟؟
..
دحين انا باحاول اني ارضعها من صدري من فتره لاخرى رغم الصريخ والحاله العصبيه اللي تكون فيها ... وفي نص الرضعه ارجع ارضعها بالحلمه البلاستيكيه عشان تهدأ..
..
بس ابغا مشورتك ومشورة الاخوات في هذا الموضوع بما انها طفلتي الاولى واجد صعوبه في موضوع الرضاعه..
هل من الافضل اني ارضعها بصردي عادي وهي جيعانه عشان تقبل صدري مع الجوع رغم الحاله العصبيه اللي تكون فيها لانها احيانا ترضع دقائق وتبكي ترضع وتبكي الى ان اضع الحلمه البلاستيكيه..
..
ام اني ارضعها وهي هاديه ماهي جيعانه؟؟
وحده نصحتني ارضعها وهي نايمه عشان تقبل بس كانت كارثه لاني بكيتها وصارت عصبيه وما تبغى ترضع لا بالحلمه ولا من غيرها..
..
((وعندي سؤال مره مهم في الرضاعه الطبيعيه الصحيحه لمن اخرج الحلمه من فم الطفل يكون شكلها مثلت؟؟ يعني من طرف واحد زي الهرم ام هذي طريقه خاطئه؟؟
لاني اجدها بهذا الشكل لمن ترضع طبيعي وتكون مرررره مؤلمه اعتقد انه طريقتي خطأ هل بعد فتره راح تتعود على الرضاعه الصحيه ام هذي المشكله راح تستمر معايا؟؟
واحيانا اجد انها تؤلمني بزوايا فمها لمن تمص يعني الكورنر حق فمها يعض صدري ما ادري فهمتوا ولا لا بس ما اعرف اشرح بطريقه اوضح))
..
والله اني محتاسه بسبب هذا الموضوع ومره حزنانه عليها ..
وما عندي احد اساله وما احب اقلق امي بهذي المواضيع خاصه انها مسكينه قلقانه كفايه عليا وعلى بنتي ومو ناقصها..
..
ياريت تساعدوني في هذي المشكله وتجاوبوا على اسئلتي ..

السلام عليكم خوخايه واذا انا مو غلطانه انتي متغربه صح؟لاني متابعه ولادتك والله يتمم لك بخير وتفرحين فيها ان شا الله
عزيزتي حلمة الصدر مالها دخل ولاشغل سواء مصطحه مرتفعه غايره ..........الخ
الاهم من كذا كيف تمسك بنتك صدرك ؟؟؟
لازم تكون الهاله البنيه او المنطقه المحيطه بالحلمه في فمها يعني وقت الرضاعه تمسك الهاله او المنطقه الغامقه الدائريه ولاتمسكالحلمه بتاتا لانها بتسبب لك التهابات وجروح ولاتمسك جلدالصدرنفسه ولاتطلع حدود رضاعتها برى المنطقه الدائريه اتمنى تكوني فهمتي النقطه هاذي
الشي الثاني لاتخلينها تجووع مره علشان ماتبكي وتصيح وتتنرفز جربي تخلينها تمسكه قبل الوقت المعتاد للرضاعه
5اسابيع تووها صغيره يعني تقدرين عليها ان شا الله بس حاولي ولاتملين وتخيلي انها انمحت من على الوجود كوني اكثر اصرار
انف البنت بعيد عن صدرك ودقنها ملاصق له وتكون تتنفس صح وشي ثااااني الغازات تكون بالحلمه وبدونها وعند الصيدليه علاج قطرات لها ووحاولي تطلعين الهوا منها بعد الرضاعه تتجشا ولا خليها على بطنها برفق او ارفعيها على كتفك ورتبي على ظهرها
اتمنى اكون افدتك ولا طولت عليك
وووووووانا مااستخدمت الحلمه وبهذا الخصوص مااقدر اخدمك
الله يتمم لك بخير

جزاك الله خير اختي ام الحلوين ربي يحفظلك هم يارب.ز
اختي كنت داخله اقفل النت وما قدرت اخرج قبل ما اقولك جزاك الله كل خير ولا حرمك الاجر
اذا دخلت تاني ان شاء الله ارد عليكي بنتي تصيح

اختي الفاضله ام الحلوين
انا لمن ارضعها بالحلمه البلاستيكيه احس جلده الصدر نفسها تدخل جوه فمها يعني الهاله السوداء قصدي بس لمن ارضعها بدونها ما تمسك الا الحلمه لانها ما تفتح فمها للاخير لا ..كانها تمص بالمصاصه يعني تمد شفايفها على قدام
انا عارفه هذا غلط بس ما اعرف طريقه تانيه وكم مره جاتني الميد وايف- اللي مسؤله عني - تعلمني بس بنتي تبكي كثير الله يهديها واخاف عليها من البكا والله قلبي يتقطع..
..
اما بالنسبه للغازات فانا اشربها يوميا قبل النوم رضعه مكونه من يانسون وشمر وكراويه وسكر نبات واحيانا احط عليها تمره,,
واستخدم نقاط اسمها (انفا كول) مره ممتازه ..واحاول ما اكل اي شئ فيه غازات مثل بعض الفواكه والاكلات المعروف انها تسبب غازات والمكسرات...الخ
واجشئها اكثر من مره خلال الرضعه الواحده بس الغازات والمغص مازال مستمر في بطنها وبطنها كثير من الاحيان تكون منفوخه من الجوانب..
وهذا السبب اللي خلاني افكر انه الحلمه هذي هي السبب لانها كل هذا اللي باسويه وبرضه الغازات مستمره ..
...
اما بالنسبه لنصيحتك اني ارضعها وهي شبعانه فكانت مره ممتازه ..
مره مسكتها قبل ما تبكي وتقول انها جيعانه ورضعتها من صدري عادي بدون الحلمه وكانت النتيجه احسن بكثير..
..
انتبظر مشاركه بقيه الاخوات..
لا تحرموني من مشاركتكم بارك الله فيكم