السلام عليكم ورحمة الله وبركاته
شلونكم حوائيات قسم المطبخ زمااااااااااااان عنكم ؟؟!!
حابة اوريكم حلوياتي الحلوة المحلحلة سهلة وسريعة التحضير <<<برى لوووول
أما الحلى الأول /:
مابعرف اسمه بس بسميه حلى الجلي بالدريم ويب
المقادير والطريقة :
تخلطي 2 ظرف دريم ويب + 1 كوب حليب يخلط ويتم خفق الدريم ويب بسرعة ليشكل كريمة لذيذة أوي :42:
وتحطيه بالثلاجة لين يستوي التالي :
تجيبي صينية بايركس او اللي تحبي وتحطي فيها بسكوت مطحون + ربع زبدة بعد ماتسيحيها على النار <<يعني كطبقة أولى.
بعدين تسوي جلي بالفراولة او بالنكهة اللي تحبي بحيث تفرغي ظرف الجلي في وعاء وتحطي عليه كوب ماء وخليه ع النار وحركيه لين يغلي <<فهمتو
خليه يبرد شوي بعدين روحي صبيه ع الصينية يعني ع البسكوت بالزبدة
ملاحظة "
فيكم تستبدلو الزبدة بالنسكافية بحيث تحطي بصحن ملعقة نسكافية وشوية مويا وتغمسي فيها البسكوت( مومطحون) وترصيه بالصينية بس الطريقة الزبدة أفضل لان الثانية ممكن ترتفع مع الجلي وعموما الاثنين طعمين <<<افلقوني اذا فهمتو خخخخخ
نرجع للحلى بعد ماتحطي الجلي فوق البسكوت حطيه بالثلاجة لين يبرد حوالي ساعتين وبعدين حطي فوقة الكريمة المخفوقة وزينية باللي تحبي أناناس - فراولة او خليه بدون شيء مثلي <<لووول
وبالهناء والشفاء
وهذي الصورة النهائية للحلى :arb:
نجي للحلى نمبر 2
نفس الشي مابعرف اسمو رحت عند صديقتي وشفته وسألتها عنه خبرتني فيه وقالت لي اسمو صعب :09:/:
اللي تعرف اسمو تسدحه بالله
المقادير والطريقة :
بالبداية جيبي كيك بار او كيك اليمامة<<دايم اقول له كيك ديمة مدري ليه دايم أخبص واقول ديمة <<صح فيه كيك ديمة او لا خخخ
المهم واقسمي الكيكة بالنص يعني بالنص مو من النص خخخخ
يعني زي ماهو موضح بالصورة اللي تحت
وبعدين رصيه بالصينية
نجي للخلطة تحطي بقدر 2 ظرف كريم كرميل + 3 ملاعق حليب نيدو جاف + كوب ماء وتحركيه تخليه ع النار لين يغلي
بعدين اطحني 17 حبة بسكوت <<يعني من الكيس الواحد مو من الكرتون فهمتو <<كأنها فمتو خخخ
وحطيهم بالعصارة وحطي عليهم قشطة تاج وملعقة نسكافية وبعدين طلعيهم وحطيهم ع خلطة الكريم كراميل
ثمن حطيهم ع الصينية ورشي كاكاو فوقه ودخليهم الثلاجة حقتكم مو حقتنا وبالهناء والشفاء
وهذي الصورة النهائية سوري ع العفسة بس لحقته مع النهاية هههه
