كيفكم صبايا؟ شو الاخبار؟
اليوم حبيت احكيلكم عن الحلو البارد يلي عملته، وبصراحة طعم وشكل
وزوجي وكل العيلة عجبهم كتير كتير
بس إن شاءالله الصورة تطلع، وإزا عجبكم شكلها وبدكم الطريئة خبروني ومن عيوني>
الطريقة سهلة كتير اول شي الطبقة الي تحت كيك شوكولا جاهز يقطع ويرص في قالب يفتح من الجوانب.الطبقة التانية نخلط 6قطع جبنة كيري وعلبة حليب مركز يلي منحطه على الشاي مو الحليب المكثف المحلى انتبهوا استعملوا نوع لونا او كارنيشن وبس نخلطهم نضع الكريمة السائلة 200مل انا استعملت نوع بوك للحلويات ونخلط بعدين اربع مغلفات كريمة بودرة وبنخلط كويس حتى الكريمة تنفش بعدين نضع 10 قطع بسكوت دايجستيف مكسر صغير ونخلط .وقبل ما نحط الخلطة على الكيك بنشرب الكيك بالكاكاو المدوب بالمي بعدين نضع الخلطة بالتلاجة ولما تجمد وعند التقديم بنضع كرات المالتيزرز و سكر محروق الكروكان وهيرشي سيرب او أي نوع بتحبوه. وصحتين وعافية.امانه بنات يلي رح تعملها تخبرني.