الي حبيباتي بنات عالم حواء
الى منتداي الغالي
لي سنوات وانا اتابع طبخاتكم بصمت وكل طبق يعجبني اطبقه ومنكم تعلمت الابداع
واليوم ولاول مره حبيت اشاركم طبخاتي واقدم لكم هالطبق اللي انا ابتكرته
وسميته الحلو الرومانسي
لان طعمع روعه ويخليكي تعيشين بجو رومانسي
وهذي صورته
نبدأ بالخطوات مع المقادير
الطبقه الاولى
نسوي كيكه كاكاو انا سويت كيكه الروب ومقاديرها
علبه روب , وبفس العلبه سكر , ثلاث بيضات , رشه فانيلا , بالخلاط حتى يكثف الخليط
ثم نضيف بنفس علبه الروب زيت , وبنفس علبه الروب مكيال ونص طحين , ملعقتين بيكنغ بودر وملعقتين كاكاو مر
ونخبزها بالفرن حتى تستوي
بعد ماتطلع من الفرن ناخذ 2 كاكاو مارس ونقطعه قطع صغيره جدا
وننثرها فوق الكيكه بشكل عشوائي
وبعدين نحط بالخلاط نستله حجم كبير + 8 حبات جبن كيري + ملعقتين طحين
ونصبهم فوق الكيك بحيث يتغطى بالخلطه البيضاء تماما
ويصير بهالشكل
وندخلها للفرن ونشغل الفرن بس من فوق لحد ماتجمد الطبقه البيضاء وتصك ويتحمر وجهها
ونتركها لين تبرد شوي
بعدين نرش عالوجه بالمشخال كاكاو نسكويك
وتصير بهالشكل
ثم نزينها بصلصه الكاكاو
وانا صنعت صلصتي الخاصه
قيمر كي دي دي صغير + نص علبه نستله + 4 ملاعق كاكاو بود مر + ملعقه سكر
نسخنهم عالنار شوي لين يذوب السكر وتتجانس الخلطه
ندخلهم الثلاجه لين يبرد
ثم نزين وجه الحلو ونسوي خطوط مثل خطوط الزيبرا ثم بالشوكه نسوي خطوط متقاطعه
وندخلها الثلاجه الي ان تبرد تماما
بعدين نقطعها بالقطاعه ونزينها بكاكاو ابيض مبشور
وهذا الطبق عليكم بالعااااااااااااااااااااااااااااااااااااااافيه
عندي ملاحظااااااااااااااات
لما تسوين الطبقه الي تحت اللي هي كيكه الكاكاو سويها بالصحن اللي تتحرك قاعدته
ولما تبرد فكي الصحن وبالسكين افصلي الكيكه عن الصحن وكذلك من تحت ارفعي الكيكه بالسكين وتأكدي انها مو لازقه بالصحن قبل لا تبدي بالخطوه الثانيه وهذي الطريقه تسهل عليك تقطيعها بالقطاعه
لما تستخدمين القطاعه حطي عندك قدر فيه ماء مغلي وحطي القطاعه بالماء الحار قبل لا تبدين التقطيع وهذي الطريقه تسهل عليك التقطيع بشكل مضبوط
وشكرااااااااااا
والله الله بالردور السنعه وانتظر منكم الدعوه الحلوه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ