الحلو زعلان ... كيف تراضينه

السلام عليكم

كيفكم بنات

طبعا زي ما انتو عارفين كلنا نغلط احيانا وازواجنا يزعلون علينا بين الفينة والفينة << افلقوني لو اعرف وش معنى الفينة :o
المهم .. انه فيه رجال يزعلون ويرضون بسرعه وبعضهم ياااااااا سااااااااااااتر لازم تكتبين لهم معروض عشان يرضون :06:
انا اليوم جايبه لكم افكار عشان تراضين فيها زوجتك الدلوع اذا زعل :o اتمنى تكون جديده بالنسبه لكم وهي بعيده عن الطرق التقليديه اللي هي مسجات وبطاقات .

بس قبل ما اقول لكم عليها ابقول لكم نصيحتين .. الاولى : الطرق هذي ما تصلح الا اذا كانت الزعله خفيفه وعلى شي بسيط .. مو زعله كايده وتجين تتميلحين عنده هههههه .. .. النصيحه الثانيه : انتي تعرفين زوجك .. اذا كان من النوع اللي اذا كل ما راضيتيه يزود بالزعل طنشيه احسن :30:

الافكار هي :

1 - جيبي صحيفه بيضاء كبيره واتركيها له على اي مكان ، السرير او على الجدار او اي مكان تضمنين انه يشوفها واكتبي في ورقه صغيره بجنبها سهم يؤشر على الصحيفه واكتبي ( هذي حياتي بدونك ........ سامحني )

2- جيبي قطعة جاتوه وحطيها على مفرش ورقي صغير مكتوب عليه ( حلوه ؟؟ اكيد مو احلى من ايامي معك ... سامحني يالغلا ) بحيث انه لما ياكل قطعة الجاتوه تطلع له العباره ، واتركيها له مع الغدا ... او بالليل اعملي كيكه واكتبي عليها بالكريمه عبارة انا اسفه

3 - ارسلي له على الجوال قصيدة اعتذار مسموعه << مفعولها سحري

4- جيبي ورده بيضا واتركيها له بأي مكان ومعها عبارة ( شايف الورده كيف بيضا ؟؟ لكن قلبك ابيض منها ... انتظر منك السماح )

5- اعملي خلفية جهازه بعبارة اعتذار مثل ( وطن عمري عيونك ... وما اقدر اعيش بدونك ... سامحني )

6- جيبي كرت واتركيه على وسادتك واكتبي عليه ( للبيع لعدم الحاجه . ) واكتبي تحتها بخط صغير ( من يجيه النوم وحبيبه زعلان عليه )

7 - هذي فكره قرويه شوي بس سويتها مره لزوجي وهو زعلان وجلس يضحك ههههههههههه .. وهي انك تحطين له مع الغدا حافظه صغيره فارغه ما فيها شي وتتركين فيها كرت صغير مكتوب عليه ( ادري انها فاضيه .. وكذلك حياتي بدونك ... سامحني يالغلا )
بحيث انه اذا فتحها يدور الاكل يلاقي العباره

8 - وممكن تتركين له هديه صغيره على السرير ومعها عبارة ( تلافعغقغلرةى نتلاتابعغب . ) وتحطين سهم يؤشر على الخرابيط اللي فوق وتكتبين ( ادري مالها معنى .. وحتى حياتي وانت زعلان علي ... احبك )

9 - جيبي صوره لك حلوه او اي صوره لك تعرفين انه هو يحبها .. واكتبي معها عبارة ( احد يقدر يزعل على هالقمر ) هههههههه وغلفيها واتركيها له في اي مكان طبعا هو يا انه بيضحك اذا شافها او انه بيصقع بالصوره في الجدار ههههه :o


اتمنى تعجبكم