الحلى الأبيــــــــــــــــض مرررررررررررره سهل(نخبة الأطباق)

سلام بنات انا احب الحلى والأكلات السريعه واللي مايبغالها حووووووووووووووووسه وبنفس الوقت تكون طعمه

ولأني مالي خبره في الطبخ كتيييييييييييير فكل يوم يااسوي اكل من النت او من الكتب

دا الحلا سويته من كتاب نخبة الاطباق بس زودت عليه شوي


اسمه الحلا الأبيض

طبقه1 = نرص بسكوت شاي ساده في صينيه بايركس


طبقه 2=
نجيب كاسة حليب كامل الدسم ونحطه على نار هاديه الى ان يشقر

بعدين نعجنه بفنجال سكر ناعم وفنجال زيت وعلبة قشطه

( دحين انا سويت زي ماقالت بالضبط لقيته ماسار على عجينه لسه مويه زي ماهو استغربت لأن في الكتاب مرسوم لونها عجينه على بني كيف سارت ماأدري ) قمت قلت في عقلي يابنت حطي ملعقة كاسترد عشان يمسك حرام ابطل وارمي الحليب

المهم حطيت الكاسترد ولمن تقل فردته على البسكويت

طبقه 3 = بسكويت شاهي تاني


طبقه 4 = 3/4 كاسه حليب نحطها على النار ولمن تغلي نحط عليها ظرفين باكيت كريم كراميل وندوبها وبعد مانرفعها من على النار نرمي فيها علبة قشطه ونخلط مزبوط الى ان يتجانس وبعدين نفردها على طبقة البسكوت التانيه وابشروا عليها شويه شوكولاته اذا حابين


اممممممممممممممممم تجنن

معليش الصور مو راضيه تتحمل على الكمبيوتر اول ماتتحمل احطها لكم