الحليب اللي في صدر البيبي .... ينعصر ولا ..!!!!

اهلين اختي موضوعك مهم انا عندي ولدين الاول انتفخ صدره ولا سويت له شي وراح الانتفاخ000اما الثاني تعبني شوي كان يصيح وقالولي يمكن من الحليب اللي في صدره وعصرته وتفاجأت بعد عشر ايام بأنتفاخ بأحد جهات صدره مع احمرار جلس ثلاث ايام قمت الصباح وتفاجأت فيه بقعة دم علئ ملابسه وفتحته لقيت الانتفاخ انفتح وطالع منه دم وصديد اصفر رحت للمستشفئ اعطوه مضاد وغسول وهم مايدرون وش العله والحين عمره اربع شهور والحمدلله مافيه شي بس تعبني معاه شوي في البدايه000وشكرآ

حبيبتي احسن وقت تعصري فيه صدره بعد الحمام لان المسامات بتكون مفتوحه
الحليب بيذايقه فيه اقوال انو اللي ما بيتعصر صدره بيطلع كبير في المستقبل
المهم بتاخذي منديل ورقي في يدك وبعد الحمام مباشره بتعصريه بالشاهدين بضغط خفيف لاتشدي
وكل ما طلع نقطه بتشربيها بالمنديل اكتفي ببعض النقاط بكل مره حتى يروح الانتفاخ
وجود الحليب طبيعي وهو بتاثير من هرموناتك اثناء وجوده في بطنك
بنتي عصرت امي صدرها من اول يوم واختفي الورم بعد اسبوعين ومنا نعصره يومي بس اكتفي بما يخرج من تلقاء نفسه يعني لاتشدي ومره على مره بيختفي تماما
والله الموفق

الافضل تستشيري الطبيب لا تتعبثين بطفلك
والله اعلم

الله اعلم .......

كان عندي كتاب عن الطفل من زمان وعطيته حق ربيعتي يقول الافضل عصر هذا الحليب واللي يكون فيه نسبة هرمونات عشان ما ياثر على هرمونات جسم الطفل ..وشي من هذا القبيل بس ما اذكر

,واعرف لوحدة راحت لدكتورة وقالتلها ابدا ما تعصرينه مش زين وبروحه بيروح؟؟

والواحد ما يدري ..فانتي اسألي الدكتورة احسن وخذي منها سبب علمي يعني قالتج لأا خلي توضحلج ليش بكلام منطقي والعكس صحيح ... والله يخليلج البيبي ويخليه من الذرية لصالحة يااارب

اللي سمعته أنه لا يجب أن يعصر أبدا