الحل؟

السلام عليكم ورحمه الله وبركاته.
ياجماعه ايش الحل مع اختي
كل ما سويت شيء قالت يعنني تسوين كذا
اذا كانوا مجتمعين وحابين يستفسرون عن شيء انا مهتمه فيه مثل المكياج
كلهم ينادوني ويسألون ولما بجاوب تقول يعنني وتكررها وتعلي صوتها وانا مدري بهالحظه ايش اقول
مع العلم ان المكياج ماتعرف فيه ولا شيء.
اذا رقصت قالت يعنني
واذا سويت نظام غذائي امشي عليه هي الوحيده اللي تحطمني وتكرر يعنني
انا لو انها تقولها بطريقه عاديه ما اهتميت للموضوع
لكن تقولها ووجهها متغير وعيونه شوي وتطلع
مع العلم انها مو صغييره البنت جامعيه
وانا اكبر منها بس مستقصدتني بكل شيء
ولما نجتمع مع بنات اخوالي واعمامي ما تعطيني مجال اتكلم
حتى لو سألوني ترفع صوتها قبل اتكلم تقول عادي كل الناس تسوي كذا ؟
صرت اسكت وما اتكلم عند الناس لان ما ابغاها تدقني عندهم بالحكي
وما ايغا ادقها بالحكي عند الناس لان ما ابغاهم يقولون وش هالاخوات
وهي والله ولا عبرت ايش يقولون عنها الناس وهي تقطع كلام اختها وما تتمنى انها تنسأل وتتكلم .
يمكن تشوفون هالشي تافه بس جد مأزمني تحسسني اني مهما سويت شيء عظيم وانجاز انه تافه
وما يسوى ومايحتاج اني القى كلمات طيبه عليه .
لما اخوي يجيني عشان اذاكر له ولما اختي تجي عشان اذاكر لها تجي تقول ليش تذاكرين لهم انتي دمرتيهم
ليش دمرتهم ؟ عشان اذاكر لهم اختبارهم؟ ولما اشرح لهم وطبيعي اني اكلج لاني احسها تدور علي الزله وصار وزليت تضحك عيونها تدمع ومحد يضحك غيرها كأنها مجنونه .
الغرفه مشتركه بيني وبينها.
صارلي اسبوع لساني ما يجي بلسانها واحس اني مرتاحه كذا من كلامها لانها القطيعه جات منها وانا ما اجتهدت اني اصلحها .
بس مو عاجبني هالحال حرام اخوات ومتقاطعين وهم بنفس البيت وبنفس الغرفه بعد.