الحل الأخير لشيل الشنباات

السلام عليكم ورحمه الله وبركاتة ..
كيفكن بناات ،
اليوم بتكلم عن شيل الشنب بشكل عآم
أنا وحده حساسه من ناحيه الألم ، وفوق هذا بشرتي حساسه بشكل ..! ،
عُقدتي بكل مناسبه شيل الشنب 😿 والله أني أول ما افكر فيه الشنب ،
جربت حلاوة مافادت والله ابكي ، جربت الحلاوة البيضاء حلوه ولا توجع بس مانفعت معي ولا تشيل شي لكون شنباتي صغيره وبلشت فيهن 😂 ، وجربت الفيت الورق عاد هذا عظم الله أجركم كميه بكاء غير طبيعي وفوق هذا
احترقت 😂😭 ، والله احترقت احتررقت خط اسود كأنو شنب ولد توه بالغ 😭🌚 ،
.. المهم تعبت
فكرت بالفتله اليدويه ، بس ماشريتها سويتها بنفسي جبت خيط وزينتها كأنها فتله وشلت شعره من شنباتي وش اشيل حسيت شايله خشمي معه 🚶🏻💔 ،
يووجعع وتركت كل شي ولا زالت شنباتي تطول 😂 ،
المهم الحل الأخير ترااااا ،
الفتله الأليه 🙏🏼💃🏻 ، وقفه محترمه ورفع القبعه تحيه لصانعها ،
الله يرفع قدره اقسم بالله يأنو شال نص همي 😭💪🏼 ،
وجربتها بكل صراحه بالبدايه توجع قوه بعدين راح يتخدر مكان الشيل ولو تكرري ماراح تحسي الا بشي بسيط 💃🏻 ، لكن توهقت عند الوسط ، تخيلن شلت كل الجوانب وباقي الوسط 😂 ، تقل شنب هتلر ، 😂😂 ،
حاولت ويوجع لكن حاولت وقعدت افكر وانا اشيل ، كل شي سويته مانفع هالمره ينفع غصبن عنه ، والحمدلله صح باقي شعيرات بس الحمدلله انششاال 💃🏻 ،
فاللي مثلي للحين متوهقه تشريها ولا تخافين ولا تترددين لأني كنت كذا متردده اشريها او لا ، خايفه توجع ، خايفه ماتشيل ، حنا بلانا هالتردد ،
توكلي ع الله واشتريها ، وحاولي ، والله بعدين راح يتخدر المكان 🙏🏼 .