الحل الأكيد لزيادة الوزن (مجرب شخصياً )

السلام عليكم
الحل الأمثل لعلاج النحافة عندي ومجرب شخصيا بس لازم تتبعين الخطوات جيدا والله العظيم راح يزيد الوزن لأنه عن تجربه وأختي بعد جربته وزاد وزنها .

1- اتروحين الصيدلية وتشترين حبوب سيبروفيتا فاتح شهيه ولا تخافين لأنه زين ومجرب وماراح اتخلين شئ فى البيت كل شي تاكلينه .
2- اتجيبين كمية لوز + كازو وتطحنينهم
3- تشترين عسل مشبع بغذاء ملكات النحل
4- حلبه مطحونه

كل يوم تاخذين حبتين وحدة قبل الغدا وقبل العشا : الفطور توستتين مع مربي او رهش وبع كم ساعه اكلي موز وكاكاو

الغدا : حاولي تاكلين 12 ملعقة رز وأكثر وقت الغدا مع شوية تمر لا تقولين ما اقدر انشاء الله تقدرين لأن الحبوب أتخليج تاكلين كل شي وبعدين حاولي بعد كل وجبة تأكلين طاسة مكسرات لوز وكازو وفستق والأفضل اتكثرين من الكازو لأنه السعرات الحرارية اللي فيه اكثر من اللوز والفستق وبعدين نامي ساعه على كيفج

العصر : اذا قمتي من النوم اتحسين انج مو ماكله شي اتجيبين قطعتين توست او اكثر مع رهش اي شي ولا تنسين الكاكاو او الموز ( الموز فيه سعرات حراريه عاليه )

العشا : سوي شي دسم مكرونه او عيش + زيت زيتون او جبن مع المكرونه
وبعد شوي اكلي طاسة المكسرات مو اكبيره اصغيره

بعد ساعه او ساعتين تشربين كوب او نص كوب حليب كامل الدسم + ملعقتين من المكسرات المطحونه . اما العسل والحلبة تخلط مع بعض وماراح اتحسين بريحتها وتؤكل ملعقه او ملعقتين اي وقت .:21: