الحل الأمثل لتطويل و تنعيم الشعر و علاج جميع مشاكله

السلام عليكم جميع أعضاء هذا المنتدى الرائع و تحياتي لكن أعضاء قسم العناية بالشعر و بعد
إليكم قصتي :
أنا شعري كان طويل إلين نص ظهري تقريبا ، بس يوم قلت في نفسي بسوي فرد لشعري بخليه أحلى و أنعم كلمت أمي و افقت بعد جهاد طويل و رحنا الكوفيرة ، لو شفتو الكوفيرة كيف عاملتني و قالت لي لا تخافي على شعرك و رح يصير أحلى من أول والله وثقت فيها و تطمنت إني بحط شعري بين إيدين أمينة :42:حشا عائلة هو:42: المهم فردته طبعا فرحانة شعري كان يجنن رجعت البيت مستانسة و هالشعر يهفهف مثل الحرير يالله بعد كم يوم شوفو المأساة لقيت شعري اللي قدام كله نايم جنبي بالمخدة :o أنا على بالي شعري من كثر النعومة جاي على جنب :o لما قمت ولقيت انو شعري طايح قلت ياربي أنا في حلم ولا بعلم لأنه إذا كنت في حلم أبي أصحى و إذا كنت في علم أبنتحر ! ! ! :06: :06: :06: المهم لما قمت و مسكت شعري اللي طايح و ناظرت لنفسي بالمراية عينك ماتشوف إلا الخير صرخت صرخة سكان القطب الشمالي حسوا فيها :30: المهم أبوي جا يركض : وش في ؟ وش في ؟؟ أنا طبعا قلت مستحيل و من سابع المستحيلات إنو يشوفني بالشكل هذا لأنو كان شكلي مخيف جدا :30: و الله لو يشوفني مخرج يحطني بأكثر أفلام السينما رعبا و تحديدا دور "الوحش المنكوش" :30: قمت أنا سكرت باب الغرفة بالمفتاح و أبوي جا : وش في وش صار . . . . قمت قلت لا لا مافي شي بس عندنا مسرحية في المدرسة و إسمها "الصراخ" و أنا بمثل فيها دور اللي يصارخ يعني كنت بعمل بروفا لدوري :06: :06: :06: و أبوي ياحليله صدق . المهم انتظرت أمي لين جت ووريتها كاارثة تسونامي اللي صارت بشعري و بدت طبعا أنا ما قلتلك لا تسويه طول عمرك عنيده و ماتسمعين الكلام تستاهلين . . . . الخ . قمت أنا من هذاك الوقت و أنا أعمل خلطاتكم اللي تحطونها بالمنتدى لين ما اتحسن شعري كثير لكن هذا التحسن كان مدته طويلة سنة و نصف و أنا أحط خلطات و زيوت لكن أحمدك يارب رجع زي أول كثيف و ناعم أكثر من أول لكن المشكلة الآن في الطول و الحمد الله اتحلت ، تدرون كيف ؟ عندي وحدة صديقتي سودانية الله يجزاها ألف خير دلتني على كريم يستعملونه يطول و ينعم الشعر في مدة قصيرة يسمونه "كركار" مرة يجنن نتائجه تشوفينها من أول استعمال حتى هي ماشاالله شعرها طويل و حلو عشان كذه أغلب السودانيين اللي أنا أشوفهم شعرهم طويل وماعندهم مشاكل التساقط والقشرة و التقصف لأنهم يستعملونه يالله أنا بعطيكم طريقة عمله و كيف تحطينه بعد ما أشوف ردودكم . . و أعتقد ان هذا الكريم هو الحل الأمثل لتطويل و تنعيم الشعر و علاج جميع مشاكله من قشرة وتساقط و غيره . . . و أقول لكم هذا الكلام عن تجربة .... أوكي :11:
يالله منتظرتكم :27:
تحياتي