الحل الاكيد لسواد الركب والاكواع

السلام عليكم ورحمة الله وبركاته
اول شيء بقولكم اني ياما عانيت من سواد الركب والاكواع

وعلى فكره مو المراه السعوديه بس اللي تعاني من هالمشكله بس ليه لزقوها فينا ما ادري

جربت خلطات طبيعيه بالهبل واغلبها احسها مقالب من البعض خاصه السمن
الوحيده اللي حسيت انها جابت نتيجه زينه هي خلطة بياض الثلج بس حقيقه طلباتها واجد وفوق هذا كله الريحه واللون الاصفر اللي مايروح اللا بعد فرك وتعب ولايمسك بالاظافر ويطلع الشكل يعععععععععع

وجربت خلطات كريمات تتقشر وتحمر وبعد فتره يزيد السواد وما يخف اخر مره اخذت خلطه جاهزه من الصيدلي 150 ريال ولا كاني سويت شي

المهم بعد العنى هذا كله قلت باجرب الساونا والله يابنات انه الحل الاكيد وسعره لاباس به لاتقولي تروحي مشغل او تجيبي وحده لا انتي اشريه وسويه بنفسك في بيتك لان اللي بتروح مشغل او بتجيب لها وحده تسويه لها حقيقه بتخسري نفسك على الفاضي اول شيء والاهم ان هذا حرام ومايجوز لانه كشف للعورات

ثاني شيء مستحيل تنظفك زي ما انتي تنظفي نفسك

ثالث شي لانك بتسوينه مره وحده وهذا مستحيل يجيبلك نتيجه من اول مره لا لانك لازم تسويه مرتين بالاسبوع ومع الترطيب ببين لك من اول اسبوع

والله يا بنات اني اقولكم اللي صار معي وهذي ثالث مره اسويه والحمدلله 50 بالميه خف السواد

وانا استخدمه مع الصابون المغربي والليفه حقته وبعدين ارطب جسمي